Blasi Sturka 26:28 - DAWAN BÎLA AISKA

²⁸ Bara baha nani bui pana witin ra win: —Yang nani kaikisna Dawan ba man wal sa, bahamna yang nani luki kaiki aisari, man wal lâ kum daukaia. Lâka ba naku daukaia:

Blasi Sturka 26:28 ပူးပေါင်းရင်းမြစ်များ

Blasi Sturka 24:3

bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia.

Blasi Sturka 24:41

Naiwa man bui yang ra luhpi maya baikaia swer takisna na, man wama bara taiya nani bui tiara ba man wal blikaia apia wibia kaka lika, man pramiskam daukuma na wina swak taki pri kama.’

Blasi Sturka 31:44

Bamna nanara man nani bal yawan wal pramis kum daukaia, baha lâka ba yawan wâl lâ daukuya na witniska kaia.

Blasi Sturka 39:3

Ai dawanka ba baha tânka brin, Dawan ba Josep wal ba mita witin diara sut dauki ba yamni baman taki kan.

Blasi Sturka 39:5

Potifar bui Josep mihta ra ai dukia nani sut mangki swin yua ba wina, Dawan bui Potifar ra yamni munan, ai watla bilara bara ai nasla nani ra sin.

2 Kronikas 1:1

Salaman, Debit luhpia ba, Dawan wina tâ baikanka brin, witin ai kingka lâka ba karna bri kaia dukiara, bara ai karnika ba tara pali takan kata.

2 Kronikas 15:9

Baha ningkara Juda bara Benjamín wâlsut asla daukan, bara sin tasba wala wina balan kan nani ba, Efraín, Manasés bara Simian tasbaya wina, kan Israel wina baha nani Asá ra tawi banhwan kata ba, kan kaikan Dawan ba witin wal kata.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

1 Korint 14:25

Baku ai kupia dahra prakanka nani ba latan takbia, bara ai lula kriki Gâd ra ai pura suni mayunbia, bara aisabia kasak pali Gâd ba man nani tilamra sa.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Hibru Nani 6:16

Upla kum swer takisa ba ra, witin purkara upla wala kum kau tara nina mâki swer takisa; bara swer taki diara kum karna daukisa ba ra, baha mapara kau blahwanka kumi sin âpu sa.

Jasua 3:7

Bara Dawan Jasua ra win: “Naiwa wina, piua bani yang bui maikrika Israel luhpia nani mawanra, man diara kau tara nani dauki kama. Bara baku witin nani kaikbia yang lika man wal sna, naipakan Moses wal kapri ba baku.

1 Samuil 11:1

King Nahas, Amón wina ba, Jabés wina Galaad ra wan bara witin aiklaklabra nani bri kan ba ridi daukan, tawan ba mapara aiklabaia dukiara. Sakuna Jabés uplika nani mita Nahas ra win: —Yang nani wal lâ kum dauks, bara yang nani lika man ra bawamna.

1 Samuil 18:28

Sakuna Saúl nâra param kaikan, Dawan Debit ra tâ baiki kan, Mical sin Debit ra latwan kaiki kan,