Blasi Sturka 26:18 - DAWAN BÎLA AISKA

¹⁸ Ai aisika Ebraham yua ra liwanhta nani salhkan kan ba, witin pruan taim, filisteo nani ba mita tasba ni prakan nani ba, witin kli salhki sakan. Bara nina nani ba sin kli mâkan ai aisika mita dîa nina nani mâkan kan ba baku.

Blasi Sturka 26:18 ပူးပေါင်းရင်းမြစ်များ

Blasi Sturka 21:25

Sakuna Ebraham bui Abimélec ra marikan liwanhta kum witin ai dukia kan ai mihta dakban ba. Liwanhta ba witin ai dukia kan bara Abimélec albika nani mita ai mihta dakbi brin.

Blasi Sturka 21:30

Ebraham bila win: —Naha sîpka mairin nani 7 na man ra maikisna; baku mamrikisna baha nani yang witniski kabia, naha liwanhta na yang mita salhkri ba dukiara.

Blasi Sturka 21:31

Baha lâka nani daukan ba mita witin nani baha tasbaya nina ba Beerseba mâkan, witin nani wâlsut bahara pana pana swer taki aisin ba tâwan.

Blasi Sturka 26:17

Aisak baha tasbaya wina taki wan, bara Guerar ilka bîla langnika ra wih takaskan bahara iwaia dukiara.

Blasi Sturka 26:19

Sakuna yu kumi Aisak albika nani il bîla langnika ra liwanhta salhkan ba ra liwanhta raya kum lî kârma manis bri kan ba sakan.

2 Kronikas 26:10

Baha purkara upla iwras tasbaya ra tawer nani paskan, liwanhta nani sin salhkan tasba langni nani ra, waitna nani bri kan unta ra wain nasla warkka dauki kan baha ba il pliska nani ra, kan witin insla warkka dadaukra kan bamna.

Lawana Nani 16:4

Lilka nani bri ba, witin nani kau ailal daukbia, mayunra kau tara dauki kabia. ¡Tala laiwi sakripaiska nani dauki ba tilara kamna apia! Yang bîli ni baha nani nina mâkamna apia.

Oseas 2:17

Baal nina ba, un nani wina dikamni, witin nani kli Baal nani nina mâki aisabia apia.

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

Kulki Kaikanka 32:38

Nebo, Baal-meón bara Sibmá tawanka nani ba kli paskan, tawanka nani tila nina ba sin nina wala mâkan, ban sin kum kum ba ai nina mangki banhwan.