Blasi Sturka 25:31 - DAWAN BÎLA AISKA

³¹ Jekob mita pana win: —Bara ban kaka, baha pilala mana tawahkia briaia yamnika ba pas yang ra aik.

Blasi Sturka 25:31 ပူးပေါင်းရင်းမြစ်များ

Blasi Sturka 25:30

bara witin Jekob ra win: —Sanglang bla pat pruna na, pilala pauni brisma ba wiria pan ai dakakram. (Baha mita sika Isau nina wala Edom mâki ba.)

Blasi Sturka 25:32

Bara Isau pana win: —Man kaikisma yang plun bla pat pruisna, bara baku sin tawahkia briaia yamnika ba yang ra nanara hilp kumi sin âpu sa.

Blasi Sturka 27:36

Isau pana aisin: —¡Bahamna ai nina ba baku pain mâkan ba, Jekob, witin naha kat pat aima wâl yang mini alkaika ba mangkisa! Tawahkia kulkanka ba yang wina pat ai dakbi brin, bara kaiks nanara yamnikam yang briaia katna ba witin ai dakbi brin. ¿Yamnika wala kum kau yang dukira apahki briras sma ki?

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

1 Kronikas 5:1

Israel luhpia tawahkia, Ruben luhpia nani ba naha nani kata: Hanoc, Falú, Hesrón bara Carmí. Kasak pali Ruben ba tawahkia pali kata, ban sakuna tawahkia yamnika ba tikan witin ai aisika maya ra alki saura munan bamna, bara baha yamnika ba Josep luhpia nani ra ni yan, Israel luhpia wala kan ba. Ban sakuna, Juda ba ai muihni nani sut wal kau karnikira pali takan, bara witin wina wihta kum takan; sakuna tawahkia yamnika ba Josep dukia ni takan.

Kli Smalkanka 21:16

yu kum kra baha waitna witin ai prapatika wina baiki saki ai luhpia nani ra sirka yabaia piua balbia taim, mairin latwan kaiki kan ba luhpia ra ai luhpia ra baku kulkaia sip apia kabia, kan rait pali mairin latwan kaikras kan ba luhpia tawahkia ba saura lukbia.

Kli Smalkanka 21:17

Ai luhpia ba ra ai luhpia almukka baku kulki, aima wâl prais witin ra ai prapatika ba yabia, kan witin ba sika pas karnika wina balan, bara diara sut ra ai raitka brisa luhpia almukka baku.

Hibru Nani 12:16

Man nani wina kumi sin marit apia kaka, ai maya bribiara, bara diara holikira ba sin bahki baku kulkbiara; kan Isau sika baku daukan ba, plun plit kum mana witin tawahkia kan lâka ba atkan wan.