Blasi Sturka 25:22 - DAWAN BÎLA AISKA

²² Sakuna tuktan ba sutki kan bara ai biara bilara wal aiklabi kan, bara Rebeca luki kaikan: “Naha paniska na naku ban kaia kaka, ¿dîa mata yang kau ban raya kaia?” Bara ai trabilka ba dukiara Dawan ra ai pura sunan.

Blasi Sturka 25:22 ပူးပေါင်းရင်းမြစ်များ

Isikiel 20:31

Baha prisantka, man luhpiam nani pauta ra angkisma ba, man nani kau ban tâski takisma aidulka nani ba wal. ¿Bara man nani baku brinkam sa ki, Israel luhpia nani, yang ra tânka plikaia aulma ba? Yang, Dawan, rayaki ni swer takisna mai swirika man nani ba yang ra bal diara tânka pliki walma apia.

Isikiel 36:37

‘Yang Dawan sna ba, aisisna: Diara kum kau daukamna. Israel luhpia nani witin nani ai dukiara dîa daukaia makabia ba yamna; witin nani ba upla ailal daukamna sîp daknika kum baku.

1 Samuil 10:22

bamna Samuil Dawan ra kli makabi walan ba ra, Dawan bila win, Saúl bâra sa, sakuna witin diara nani tilara yukuwisa.

1 Samuil 22:15

¿Yang naiwa kat witin ai tânka pliki Dawan wal aisisna ki? ¡Baku apia! Baha mita, king ai dukia dadaukra mapara bara ai taya nani mapara sin dahra kwahkbiara, kan man albikam lika diara wiria, diara uya tânka sin briras sa.

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.

1 Samuil 30:8

bara witin mahka Dawan wal aisin ba ra, makabi walan: —¿Baha âimplikra daknika ba nina blikamna ki? ¿Bliki alkaia sip sna ki? Dawan pana witin ra win: —Nina blîks, kan bliki alkma bara priski brih wan nani ba pri sakma.

1 Samuil 9:9

(Blasi pali piua lika, Israel luhpia nani kum Gâd wina diara tânka kum walan dauki kan ba ra, witin nani aisin: “Kaisa yawan diara kakaira ra waia”; baha sika nanara “Gâd prapitka wi ba”, bara witin ba sika blasi “diara kakaira” mâki kan ba.)