Blasi Sturka 25:11 - DAWAN BÎLA AISKA

¹¹ Ebraham pruan ba ningkara, baha liwanhta nina “Witin raya bara ai kaiki ba” baha lama kat Aisak iwan, bara Dawan bui witin ra ai yamnika yan.

Blasi Sturka 25:11 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

Blasi Sturka 16:14

Baha mita baha layawanhta ba nina sin naku mâkan: “Witin raya ban ba, ai kaiki ba layawanhta.” Baha layawanhta ba Cadés bara Béred wal lilapas ra bâra sa.

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Blasi Sturka 24:35

Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban.

Blasi Sturka 24:62

Aisak ba Négueb tasbaya ra iwi kan. Bara baha yua ba bahara liwanhta kum nina “Witin raya bara ai kaiki ba” liwanhtika ra wan kan, bara baha wina tawi balan kan.

Blasi Sturka 26:12

Bara baha manka ba, Aisak baha tasbaya ra insla dauki mâ mangkan, plun pain sakan. Dawan ai yamnika witin ra yan bamna,

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

Lawana Nani 112:2

Upla Dawan ra kulki kiamka nani ba yamni munan kabia bara tasba ra karnika bribia.