Blasi Sturka 24:52 - DAWAN BÎLA AISKA

⁵² Ebraham albika ba baha bîla nani aisan ba walan ba ra, Dawan mawanra ai lula kriki ai lal tasba kat kangban.

Blasi Sturka 24:52 ပူးပေါင်းရင်းမြစ်များ

Blasi Sturka 24:26

Bara alba waitna ba ai lula kriki Dawan ra ai pura sunan.

Blasi Sturka 24:48

Bara yang luli krikri Dawan ra mayunri; Dawan ra puri sunri, yang dawanki Ebraham Gâdka ra, witin yabal wapni bâk ai bri balan ba dukiara, bara yang dawanki taika ba tila wina, luhpia mairin ba kat sakaia ai luhpia maya baikaia.

Blasi Sturka 24:51

Sakuna baha lika man laki kaiks, Rebeca nâra sa bara brih was. Witin lika man dawankam luhpia waitna maya kabia, Dawan mita luki kaikan ba kat.

1 Kronikas 29:20

Ningkara Debit upla nani ra win: “Nanara Dawan Gâdkam ra yamni wis.” Bamna upla nani sut bui Dawan ai aisika nani papaskrika ra yamni win; ningkara ai lal makupi banhwan bara Dawan king ra sin mayunan.

2 Kronikas 20:18

Bara Josafat ba ai lula krikan, bara ai mawan ba tasba kat kangban, baku sin Juda uplika nani bara Jerusalem aiska sins ai lula kriki, Dawan mawanra mayuni banhwan.

Lawana Nani 95:6

Man nani bal, wan lula ra bawi witin ra mayunpi; Dawan mawanra wan lula krikpi, kan witin wan paskan bamna.

Matiu 2:11

Witin nani utla bilara diman ba ra, tukta ba ai yaptika Meri wal kan kaikan. Bara tukta ba mawanra ai lula kriki, mayunan. Bara ai lalahka watla nani ba bukutbi, gul, dus mâka bara sîka mâka kîa painkira sin tuktika lupia ra prisant yan.

1 Samuil 1:28

Yang bîli aisari ba kat, luhpi na Dawan ra yabisna ai rayaka aiska witin Dawan dukia kabia. Bara Elí ai mawan tasba kat bawan Dawan ra mayunaia dukiara.