Blasi Sturka 24:27 - DAWAN BÎLA AISKA

²⁷ Witin aisi, win: “¡Dawan ba yamni pali kabia, dawanki Ebraham Gâdka ba, witin ai kasakka lâka ra umpira kaikan lâka ba kat dawanki wal lâ daukan ba, bara yabalki ra witin tâi bri impakan, yang dawanki muihnika nani watla kat waia!”

Blasi Sturka 24:27 ပူးပေါင်းရင်းမြစ်များ

Blasi Sturka 13:8

Bamna yu kumi Ebram bila Lot ra win: “Man ba yawan wal wan taya sa, bara yamni apia sa wan tilara unsaban bri kaia, man daiwram main kakaira nani ba bara yang daiwri main kakaira nani ba wal.

Blasi Sturka 14:20

Bara Gâd Laih Purara iwi ba nina ba mayunan kabia, witin mita sip mai daukan waihlam nani pura luram ba.” Bara Ebram witin diara nani sut dakbi brin ba wina, matawalsip wina kumi saki baha mana Melkisedek ra yaban.

Blasi Sturka 24:12

Bara witin mahka ai pura sunan: “Dawan, yang dawanki Ebraham Gâdka, man dauks naiwa diara sut yang wal yamni baman takaia. Dawanki ra man kupiam yamni lâka ba naiwa na mariks.

Blasi Sturka 24:21

Alba waitna ba diara aisaras sakuna sâpkira mairin diara dauki ba kaiki ai kupia ra luki kan, nahki Dawan ai warkka dauki ba bara ai yabalka ra yamni baman ban baku wabia sapa.

Blasi Sturka 24:4

Sakuna man was yang aisubi takri ba tasbaya ra, bara yang taiya mairin nani ba tila wina luhpi Aisak maya ba pliki sakaia.

Blasi Sturka 24:42

“Baku sika naiwa yua yang liwanhta purara balri bara puri sunra ra Dawan ra makabri, witinka yang dawanki Ebraham Gâdka ba: ‘Yang impakanki sut na naha tasbaya ra man mita yamni man daukaia sma kaka,

Blasi Sturka 24:48

Bara yang luli krikri Dawan ra mayunri; Dawan ra puri sunri, yang dawanki Ebraham Gâdka ra, witin yabal wapni bâk ai bri balan ba dukiara, bara yang dawanki taika ba tila wina, luhpia mairin ba kat sakaia ai luhpia maya baikaia.

Blasi Sturka 32:10

Kupiam yamnika, kupiam pihni lâka nani sut man bui yang ra daukram ba, baha yamnika nani ba yang briaia aitani apia sna. Jordan awala na yang lui wari, bara brih waia dus kumi baman mihti ra bri katna. Bara nanara yang luhpi nani ailal pali, kiamp wâl pitka kat brisna.

Blasi Sturka 32:11

Mamkabisni, Dawanki, muihki Isau mihta wina ai dakbi ai sâks. Sibrin ai daukisa witin bal yang wal aiklabi ai ikbia, mayi nani sin ikbia bara luhpi nani sin sut iki tikbia.

Blasi Sturka 9:26

Witin kau pura praki aisin: “Dawan ba yamni pali kabia, witinka Sem Gâdka ba, bara Kenan ba ai albika kabia.

2 Samuil 18:28

Ahimaas king lamara balan ba ra, ai mawan ra tasba kat bawan bara ai lakula dauki witin ra win: —Dawan ba yamni pali kabia, king tara sma ba Gâdka, man king tara mampara babura nani ba tila wina sakan bamna.

Lawana Nani 100:5

Kan Dawan ba yamni sa bamna, latwanka lâka ba ban kaia ra kabia, witin kasakka tânka ba ban kaia ra ban bâra kabia.

Lawana Nani 68:19

¡Dawan ba yamni pali kabia, wan Gâdka bara wan Sasakra ba, witin sika yu bani wan wirhika twilki ba!

Lawana Nani 98:3

witin ai latwanka lâka bara ai kasakka lâka ba, piu bani bri kan Israel luhpia nani ra. ¡Gâd mita pura lui ba mariki kan tasba aiska ra paski takaskan ba kat kaikan sa!

Impakan Sturka 18:10

Bara witin win: —Dawan ba yamni pali kabia, man nani sut ra, Israel luhpia nani sin swaki mai sakan ba, king fero bara Idsip uplika nani karnika wina; upla tataibra nani ba karnika wina pri mai sakan ba,

Impakan Sturka 2:11

Moses ba pat tara pâwan kan ba ra, impaki taki wan ai uplika Hibru nani ba kaikaia. Baha piua ra kaikan, ai uplika nani ba nahki taiban lâka mununhtara wark karna taki ba. Bara sin kaikan, nahki Idsip uplika kum mita ai uplika Hibru kum ra saura pali pruki kan ba.

Impakan Sturka 2:13

Yu wala kli witin taki wan, bara kaikan Hibru kum ai tahkia ra aiklabi kan. Bamna witin pâtka dauki ba waitnika ra win: —¿Dîa muni man klauna uplikam ra prukisma?

Impakan Sturka 34:6

Moses mawanku lui, ai bîla baikra tara buki win: —¡Dawan ba! ¡Dawan ba! ¡Gâd kupia swapni umpira kaiki ba, ai kupia alki takaski, latwan kaikaia lâka tara bara kasakka lâka sin bri ba!

Sins Lâka 3:6

Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

Sins Lâka 8:20

Yang yabal wapni bâk auna kasak lâka yabalka bâk.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

Rut 4:14

Bara mairin nani ba Noemí ra win: —¡Dawan nina tara mayunan kabia! ¡Kan nanara sika mulam kum maikuya, main mai kaikaia, ban kra sin Israel luhpia nani tilara tara kulkan kabia!

1 Samuil 25:32

Debit pana witin ra win: —Dawan ba yamni pali kabia, witinka Israel Gâdka ba, naiwa witin bui mai blikan yang wal prawaia,

1 Samuil 25:39

Debit walan Nabal pruan, bara witin win: —¡Dawan ba yamni pali kabia, Nabal mini prukanka daukan ba mana witin bui pana munan ba! ¡Saura daukaia ba wina swaki ai sakan, Nabal watawanka ba kli Nabal purara kahban! Baha ningkara Debit bui Abigail ra marit sakaia bîla blikan.