Blasi Sturka 24:10 - DAWAN BÎLA AISKA

¹⁰ Bara albika ba ai dawanka wina diara prisant yaia dukia nani sin brin, diara kau painkira nani ba brih waia. Baha purkara kiamil nani ba tila wina kiamil matawalsip brin bara baha sut brih bara mahka taki wan Mesopotamia ra, Nahor tawanka ra.

Blasi Sturka 24:10 ပူးပေါင်းရင်းမြစ်များ

Blasi Sturka 11:26

Térah 70 mani alkan ba ra, ai luhpia nani Ebram, Nahor bara Harán baikan.

Blasi Sturka 11:29

Ebram bara Nahor wâlsut mairin brin; Ebram maya nina ba Sarai, Nahor maya nina Milcá, Harán luhpia Iscá wal ai muihnika kan.

Blasi Sturka 11:31

Bara Térah ai luhpia Ebram ba brin, ai mula Lot sin, Harán luhpia ba, ai luhpia Ebram maya Sarai, ai mula yapti ba sin. Baha nani aikuki Ur Caldea nani tasbaya wina takan, Kenan tasbaya ra waia dukiara. Ban sakuna, Harán tawanka kat wan taim, bahara witin nani takaskan.

Blasi Sturka 11:32

Térah ai rayaka yua nani brin ba 205 mani, bara witin Harán kat pruan.

Blasi Sturka 22:20

Baha wina piua nani wiria luan ba ra, Ebraham sturi walan Milcá bui sin ai muihni Nahor luhpia nani baikan.

Blasi Sturka 24:2

Yu kumi witin ai albika kum kau almuk kan ba baha ra winan balan, albika ba witin ai dukia nani sut ba main kaiki kan, bara witin ra win: —Yang karniki na ra alki,

Blasi Sturka 24:22

Kiamil nani ba sut lî dakakan, bara waitna ba gul ni kakma ra pamaika krukma manakira pali ba kum paman, gul bangkilka sin wâl sakan, bara baha sut mairin ba ra yaban,

Blasi Sturka 24:53

Baha ningkara alba ba gul, silbar dukia nani, prâk nani sin saki Rebeca ra yaban. Baku sin lakrika ra bara yaptika ra sin prisantka nani yaban.

Blasi Sturka 27:43

Bamna luhpi, nanara man bîli kat wali dauks: bus bara Harán tawanka ra plapi was laikra Labán watla ra.

Blasi Sturka 29:1

Jekob ai yabalka bâk ban wan, bara lalma kuntrika tasbaya ra balan.

Blasi Sturka 29:2

Bara witin kaikan, liwanhta kumi twi ra bâra sa, bara kaiks sîp daknika yumhpa sin baha lamara bâra sa. Sîp nani ba baha wina lî dakaki kan, bara walpa tara kum ni liwanhta ba pura prakan kan.

1 Kronikas 19:6

Amón uplika nani tânka brin baha lika misbara lâka daukan Debit ra, bamna Hanún bara Amón uplika nani bui 33 ton silbar blikan war trukka nani bara aras âiulra nani atkaia dukiara Mesopotamia ra, Siria, Maacá bara Sobá ra sin.

Apastil Nani Sturka 2:9

Yawan nâra na lika kuntri sât sât wina nani sa: Partia, Media, Elam, Mesopotamia, Capadocia, Ponto, Asia kuntrika tani wina,

Kli Smalkanka 23:4

kan man nani Idsip wina takram ningkara, witin nani tasbaya bâk lui waram bara lî wihki plun sin maikras kan, ba purkara Beor luhpia Balaam Petor Mesopotamia wina aula kan ba ra aibapan, man nani mampara saura aisabia dukiara.