Blasi Sturka 23:9 - DAWAN BÎLA AISKA

⁹ witin ai tasbaya tâka lamara Macpelá walpaya untika ba yang ra ai atkbia. Makas witin dîa praiska kulkbia ba kat, yang aibapaisna. Nâra man nani sut mamwan kat, bara baku baha tasbaya ba yang duki tasbayi pali takbia.

Blasi Sturka 23:9 ပူးပေါင်းရင်းမြစ်များ

Blasi Sturka 23:10

Baku Efrón hitita ba witin nani tilara iwi kan tawan getka dimaika ba lamara, witin nani aikuki. Bara witin mahka Ebraham ra aisin, baku ai uplika nani bahara iwi ba, bara bal diman nani ba sut walbia wisi aisi kan.

Blasi Sturka 23:4

—Yang na tringsar impapakra kum, man nani tilamra nâra iwisna, ban sakuna man nani bui yang ra tasba pîs kum ai atks mayi bikaia dukiara.

Blasi Sturka 23:8

Bara witin nani ra naku win: —Kasak pali man nani sut yamni lukisma kaka, yang mayi ba nâra man nani tilamra yang bikamna. Pliskam pali, man nani bui yang tâiwan Sóhar luhpia Efrón ra ba ra aisas,

Blasi Sturka 25:10

Naha tasbaya ba sika Ebraham mita hitita nani wina atkan ba. Bara bahara sika witin ba bikan, ai maya Sara lama kat.

Blasi Sturka 49:29

Baha wina yu kum Jekob ai luhpia nani ra kli naku win: “Yang pat pruaia baila pali sna. Bamna pruamna ba ra aisiki nani raitka ra walpa untika ra, Efrón hitita ba tasbaya ai brih was,

Blasi Sturka 50:13

Bara witin nani bui witin ba Kenan ra brih wan, Macpelá tasbaya walpaya untika ra bikan. Baha tasbaya ba hitita Efrón ba witin tasbaya kan, Ebraham witin wina atki brin ai taya nani pruka bikaia tasbaya. Naha tasbaya bara walpaya untika ba sin, Mamré lalma tani ra bâra sa.

1 Kronikas 21:22

Debit bila Ornán ra: —Man plawar taya sakisma pliska ba yang ra aik, bahara Dawan altarka paskaisna, pliska ba ai atks praiska kasak pali ba kat, baku siknis saura tawan purara bâra ba lubia.

1 Kronikas 21:24

Sakuna Debit pana win: —Tingki pali mai wisna, ban sakuna diara sut ba ai praiska kat atkamna, man dîa brisma ba mai dakbamna apia, Dawan ra sakripais dauki yaia daukaia wisi atkras dukia nani ba wal.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

Roman 13:8

Bamna upla kumi wal sin tras bripara, sakuna upla wala wal pana pana latwan kaikaia traska ba lika bri bas; kan ani uplika mita upla wala ra latwan kaiki ba lika, dîa Gâd lâka wan wi ba sut daukan sika.