Blasi Sturka 23:6 - DAWAN BÎLA AISKA

⁶ —Âu, dawanki, yang nani ra pain ai wals. Man sika Gâd mita bâk mai sakan waitnika kum, yang nani tilira iwisma. Bamna yang nani lilia sna, raiti tasbaya kau pain ba maikaia man mayam bahara bikaia. Yang nani tili wina lika kumi sin tasba maikaia apia mai wimna apia, ani tasbaya ra bikaia brin mai dauki ba wina sin mai takaskamna apia.

Blasi Sturka 23:6 ပူးပေါင်းရင်းမြစ်များ

Blasi Sturka 13:2

Ebram yuyakira pali takan, daiwan ailal brin, silbar bara gul sin manis.

Blasi Sturka 14:14

Ebram walan ai luhpia diwra ba priski brih wan ba; bara witin ai dukia dadaukra nani, ai watla bilara aisubi taki pâwan nani sut ba paiwan balan baha lika waitna 318, baha nani mihta ra aiklabaia dukia nani ba mangki si, bara mahka kingka nani ba nina blikan Dan tawanka kat.

Blasi Sturka 18:12

Baha mita Sara sip kasak lukras kiki kan, bara witin luki kaikan: “¿Nahki yang nani wâlsut pat karniki tiwan na kwihra tiwamna?”

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Blasi Sturka 21:22

Baha piua nani ba tilara Abimélec Ebraham wal sturi kum aisaia wan. Ficol sin witin wal wan, witin lika suldiar kiaptinka ba. Bara Abimélec bui Ebraham ra naku win: —Yang nani kaikisna man lika diara nani sut daukisma ba, Gâd bui tâm baikisa.

Blasi Sturka 23:5

Bara hitita nani pana witin ra win:

Blasi Sturka 23:7

Bara Ebraham iwi kan ba wina buan, bara hitita nani sut mawanra ai lal bawi, pain kulkan yabi lâka ra lakula tara kum yaban.

Blasi Sturka 24:18

Rebeca pana witin ra win: —Mastarki, bal dis. Bara witin lî watla ba ai mihta ra alki brih bara witin ra yaban lî din.

Blasi Sturka 24:35

Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban.

Blasi Sturka 31:35

Bara Raquel ai aisika ra naku win: —Aisiki, yang nanara iwi man mamwanra sip buras sna wisi kupiam baikpara, kati siknis brisna ba mita yang sip man mamwanra buras. Bara Labán aidul nani ba pliki ban watauki kan, sakuna sip sakras kan.

Blasi Sturka 32:18

bara man pana witin ra wis: ‘Dawanki, Isau bui naha na man prisantkam, Jekob dukiam dadaukra ba wina naha man ra blikan. Bara witin sin yang nani ninira aula sa.’

Blasi Sturka 42:10

Witin nani pana win: —Apia, wihtki, apia pali. Yang nani sin man dukiam dadaukra nani sna, plun atkaia dukiara yang nani balri sa.

Blasi Sturka 44:5

yang Dawanki bahara diara laiki di, baha wina smaya kaiki kan kapka ba? ¡Man nani diara saura pali daukram!’

Blasi Sturka 44:8

Yang nani plun atkri lalahka surunki bilara kan ba saki Kenan wina kli bri sal maikri kaka, ¿nahki yang nani dawankam silbarka, apia kaka gulka ba, watla bîla wina implikamna?

Impakan Sturka 32:22

Eran pana witin ra win: —Dawanki, yang ra kupiam sauhkpara. Man upla nani na tânka kasak kakaira sma, witin nani saura daukaia nahki lihki ba.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Rut 2:13

Bara mairin ba pana aisin: —Wihtki, man yamni pali ai wisma, bara aisinkam nani ba kasak maisi nihkra nani sa. Man sin bîla yamni ni yang ra aisaram, yang lika man warkkam tatakra mairin kulkanka pan briras sna sakuna.