Blasi Sturka 22:1 - DAWAN BÎLA AISKA

¹ Baha diara nani taki luan ba ningkara, Dawan ba Ebraham kasakka lukanka lâka ba kaikaia mata, traika kaikanka kum daukan. Witin ai nina mâki winan, bara Ebraham pana witin ra win: —Yang nâra sna.

Blasi Sturka 22:1 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 21:11

Baha aisinka ba Ebraham ra kasak latwan yaban, kan witin ai luhpia pali dukiara baku daukaia win bamna.

Blasi Sturka 22:11

Dawan insalka ba kasbrika pura wina witin ra winan: —¡Ebraham! ¡Ebraham! Witin pana win: —Yang nâra sna.

Blasi Sturka 22:7

Wal wiria wapi wan ba ra, Aisak ai papika ra makabi walan: —¡Aisiki! Ebraham pana winan: —Luhpi, yang nâra sna, ¿dîa brin mai daukisa? Aisak bila: —Kaiks yawan nâra pauta klauhan bara pauta ba sin brisa, ¿sakuna sîpka ba anira sa, baha wîna aiska angki sakripais daukaia ba?

Blasi Sturka 37:13

Bara Israel bui ai luhpia Josep ra win: —Josep, kaiks, man muihkam nani ba Siquem ra sîp nani ba main kaikisa. Yang brin ai daukisa man muihkam nani kaikaia wama. Josep pana win: —Papiki, yang liliakira wamna.

Blasi Sturka 46:2

Baha tihmika yaprisauhkan ra diara aihka kaikan, Gâd lika Israel wal aisin, nina mâki winan, Jekob. Witin pana win: —Yang nâra sna.

2 Samuil 24:1

Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Lawana Nani 11:5

Dawan ba upla kasakkira bara watawikira nani sut ra sin aihwaki kaikisa. Witin ai kupia aiska saura pali kaikisa, baha nani saura daukaia latwan kaiki ba ra.

Impakan Sturka 16:4

Bara Dawan bui Moses ra win: —Yang pura wina lî auhi baku plun yakabaisna. Upla nani ba yu bani plun wahbaia taki wabia, yu aiska pata briaia praiska ba kat. Yang kaikan ai daukisa ya yang lâika bîla nani smalkanka ba kat daukbia ba, bara ya sin baku daukras kabia ba.

Impakan Sturka 3:4

Dawan kaikan Moses ba kau ai lamara aula, bara witin kiaya dusa ba tila wina witin ra wini, naku win: —¡Moses! ¡Moses! Bara Moses pana aisin: —Yang nâra sni.

Sins Lâka 17:3

Gul bara silbar ba pauta ra angki kaikisa; sakuna upla lukanka ba lika, Dawan mita laki kaikisa.

Aiseya 6:8

Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

1 Korint 10:13

Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

Kli Smalkanka 13:3

man nani bîla walpara. Kan Dawan Gâdkam man nani ra traikam kaikaisa man nani ba kupiam aiska bara sulkam aiska kira witin ra latwan kaikisma sapa.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

Hibru Nani 11:17

Kasak lukan lâka mita Ebraham ba, Gâd mita traika kaikan piua, Aisak ba sakripais dauki yaia brih balan. Ai luhpia unhsak ba sakripais dauki yabaia ridi kan, Gâd mita naha pramiska na yaban kan sakuna:

Jems 2:21

Gâd bui Ebraham ra kasakkira kulkan, wan damika bui ai luhpia Aisak sakripais dauki yan bamna.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

Wihta Nani 2:22

Dawan kaikaia brin dauki kan witin baha baku daukan ba wal, naha uplika nani na Dawan yabalka ra tawi wapbia sapa, blasi piua ra ai damika nani wapan ba baku.

1 Samuil 3:4

Bamna Dawan Samuil ra winan: —¡Samuil! Witin pana aisin: —¡Nâra sna!