Blasi Sturka 21:2 - DAWAN BÎLA AISKA

² Bara baku Sara kwihra tiwan, Ebraham pat almuk pali takan kan ba ra, witin ra ai luhpia waitna kumi baiki yaban. Tukta ba baikaia piua ba, Gâd mita win piua ba kat baikan.

Blasi Sturka 21:2 ပူးပေါင်းရင်းမြစ်များ

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Blasi Sturka 17:21

Ban sakuna yang lâika ba Aisak wal daukamni, luhpiam waitna Sara baiki maikbia ba mani kum alkbia ba ra, mani wala naha piua praiska ra.

Blasi Sturka 18:10

Bara witin nani wina kumika ba bila win: —Mani aula ba yang kli bal mai kaikamna, bara mayam Sara ba luhpa waitna kum bribia. Baha aisi kan ba ra Sara dur ninara yukuwi Ebraham witin nani wal aisi kan ba sut wali kan.

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Luk 1:36

Bara man tamya mairin Elisabet sin luhpa waitna kum baikbia, witin almuk pali sa kuna. Upla biarapara wi kata ba, kaiks nanara pat kwihra tiwan kati 6 brisa.

Apastil Nani Sturka 7:8

Baha ningkara Gâd mita Ebraham wal lâ kum daukan, bara baha lâka aisin tukinka ba yan. Baha mita sika Ebraham mita Aisak baikan bara yu 8 alkan ba ra, Aisa sainka daukan. Aisak sin ai luhpia Jekob ra baku daukan, bara Jekob ai luhpia 12 nani ra sin Aisa sainka daukan. Witinka nani sika Israel kiamka 12 nani aisika nani kan ba.

Roman 9:9

Gâd mita Ebraham ra pramis munan ba lika naha sa: “Naha piua na praiska kat yang balamna, bara Sara lika luhpa waitna kum bribia.”

Galesha 4:22

Baha ba naku wisa: Ebraham lika luhpa waitna wâl bri kan, kumi ba alba mairin kata ba wina, wala ba lika ai maritka pali ba wina, baha lika mairin pri kata ba.

Hibru Nani 11:11

Âu Sara luhpa nani baikaia sip apia kan bara Ebraham sin pat almuk pali takan kan sakuna, kasak lukan lâka ba mita, aisika takaia karnika ba witin brin, kan Gâd ai pramiska kat daukaia witin ra win ba kat kasak lukan bamna.

Jasua 24:3

Éufrates awalka un wina Ebraham ba saki briri, bara Kenan tasbaya ba aiska yâri wapi taukan. Yâri ailal sahwaia, pas ai luhpia Aisak ba sin yâri,