Blasi Sturka 21:17 - DAWAN BÎLA AISKA

¹⁷ Tukta ini kan bîla baikra ba Gâd walan; bara Gâd insalka kasbrika pura wina Agar ra aisin, bara win: “Agar, ¿man dîa pâtka brisma? ¡Si bripara! Tukta inanka ba Gâd walan, bara witin sin ani kat bâra ba sin kaikisa.

Blasi Sturka 21:17 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 16:11

Man sin nanara kwihra sma bara luhpiam waitna kum brima, bara witin ai nina ba man Ismael mâkma, kan man inankam ba Dawan walan bamna.

Blasi Sturka 16:7

Sakuna Dawan insalka witin wal prawan upla iwras tasbaya ra, Sur ra waia yabalka ra lî kârma kum lama kat,

Blasi Sturka 16:8

bara witin ra makabi walan: —Agar, Sarai albika mairin, ¿man ani wina aulma, bara anira sin auma? Bara witin pana aisi, win: —Dawanki, Sarai mawan wina plapisna.

Blasi Sturka 16:9

Bara Dawan insalka ba bila witin ra win: —Dawankam mairin lamara kli tawi was, bara diara sut ra witin ai bîla wali bas.

Blasi Sturka 22:11

Dawan insalka ba kasbrika pura wina witin ra winan: —¡Ebraham! ¡Ebraham! Witin pana win: —Yang nâra sna.

Blasi Sturka 24:7

Dawan, kasbrika pura Gâdka ba, yang aisiki watla bara taiya nani tasbaya wina sin witin mita ai saki bara witin aisi yang ra pramis ai munan ba, naha tasbaya na yang luhpi nani ra yabaia wisi, witin ai insalka man kainamra blîkbia, bara man baha wina yang luhpi waitna maya kum bri balma.

Blasi Sturka 26:24

Bahara tihmia ra Dawan ba witin ra latan takan, bara win: “Yang sika man aisikam Ebraham Gâdka, man si bripara, kan yang lika man wal sna, yang naipakan Ebraham dukiara luki yamniki maikamni bara kiamkam sin ailal daukamni.”

Blasi Sturka 46:3

Bamna Gâd bila: —Yang na Gâd, man aisikam Gâdka ba. Man Idsip ra waia si bripara, bahara man kiamkam ba nisan tara daukamni.

2 King Nani 13:23

Ban sakuna, Dawan ba witin nani dukiara ai kupia swapnikira, yamni pali kaiki kan, Ebraham, Aisak bara Jekob wal lâ aisi daukan kata mita, sauhki tikaia ai brinka apia kan, bara ai mawan wina sin kangbi sakaia lukras kan. Bara naiwa yua kat sin baku daukras sa.

2 King Nani 13:4

Bamna Joacaz ba Dawan lamara ai pura sunan bara Dawan mita ai pura sunra ba walata, kan Israel luhpia nani kupia kriwan kan ba kaikan, Siria kingka ba bui taibi bri kan ba mita.

Lawana Nani 10:14

Man bui kaikisma, saura munaia, watawika lâka bri ba; man baha kaikisma, ¡witin nani briaia ba, pana man bui witin nani ra yama! Hilpkas uplika nani ba, ai lâka man mihtam ra mangki swisa; man sika rau takan nani ba hilpka aimakisma.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 6:8

¡Yang wina laihura taks, man nani saura dadaukra nani; yang inanki na, Dawan walan bamna!

Lawana Nani 65:2

Bamna pura sunra ba walisma. Tasba aiska ba man ra aula.

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 22:23

kan man nani bui witin nani ra saura munma kaka, bara witin nani bui yang ra ini hilp makabia kaka, yang lika witin nani tâwan aimakamna,

Impakan Sturka 22:27

kan baha kwalka ba baman witin unhsakka brisa, kauhla prâka. Yaras kama kaka, ¿dîa wal ai pura praki yapbia? Bamna witin bui yang ra makabia kaka, yang lika witin tâwan aimakamni, kan yang umpira kaikan lâka brisna bamna.

Impakan Sturka 3:2

Bahara Dawan insalka kum witin ra latan takan pauta buki klauhi baku, kiaya dusa kum tilara. Moses aman pali kaikan kiaya dusa ba buki amisa sapa, sakuna amras sa.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Aiseya 22:1

Lilka kaiki ba ilka langnika ba dahra aisisa: ¿Dîa takisa, upla sut utla bahna ra uli ba?

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Matiu 15:32

Jisas ai disaipilka nani ra wini, naku win: —Naha uplika nani pat yu yumhpa yang wal sa. Witin nani diara piaia âpu sa, bara sari lukisna; ai watla nani ra plun piras blikamna kaka, yabal ra ban plun bla prubia.

Mark 5:36

Sakuna Jisas baha aisi kan ba walras baku si, priaska watla wihta ra win: —Si bripara; kasak luki bas.

Kli Smalkanka 26:7

Bamna yang nani damiki Dawanka Gâdka ra makabri, hilp wan munbia dukiara; bara yawan makabanka ba witin walan, wan umpirka ba sin kaikan, nahki wark karna nani wan dingki kan, taiban lâka ra sin yang nani iwi kapri ba;

Wihta Nani 18:23

Dan uplika nani ba walan upla nani ai pura wini witin nani ai nina bliki kan ba, bara ai nina ra tawi kaiki, Micaías ra makabi walan: —¿Man nani dîa trabil brisma? ¿Dîa muni ban karna winisma?

1 Samuil 11:5

Saúl ba twi wina bîp wainhka nani wal tawi aula kan, bara makabi walan: —¿Upla nani ba dîa trabil brisa? ¿Witin nani dîa mata inisa? Witin nani pana win: —Waitna nani Jabés wina bal aisin sturka ba wal inisa.