Blasi Sturka 20:9 - DAWAN BÎLA AISKA

⁹ Baha ningkara Abimélec Ebraham ra paiwan balan, bara witin ra win: —¡Kaiks, man dîa pali luki yang ra naku ai daukram ba! ¿Yang na dîa saurka ban man mampara daukri, bara man bui yang purira, kingki tasbaya purara sin, naku saurka tara pali ba bri balaia daukram na? Upla baku diara daukras.

Blasi Sturka 20:9 ပူးပေါင်းရင်းမြစ်များ

Blasi Sturka 12:18

Bara king fero Ebram ra paiwan balan bara win: “¿Naha na dîa kan man baku yang ra ai daukram na? ¿Dîa kan man param ai wiras kapram mairka na man maritkam ba?

Blasi Sturka 20:10

¿Man dîa pali luki kapram bara naku pali daukram ba?

Blasi Sturka 20:8

Yu baiwan, titan pali Abimélec buan, bara ai albika nani sut winan balan, bara witin nani ra yaprisauhkan kaikan ba dahra sut pali win. Witin nani baha walan sut sibrin pali takan.

Blasi Sturka 26:10

Kuna Abimélec pana witin ra win: —¿Kuna dîa kan man naku yawan ra wan munram? Kau wiria kan kaka, tawan uplika kum kra ban man mayam wal yapan kaia kan. Bara baku man bui yang nani ai munrika ban saura daukaia kapri.

Blasi Sturka 29:25

Jekob titan buan bara ai dara walan kaikan witin Lea wal yapi lalawan ba, bara witin Labán mapara karna aisin: —¿Naha dîa man bui yang ra daukram na? ¿Yang Raquel briaia dukiara man warkkam takri apia? ¿Bamna man dîa muni kunin ai munram?

Blasi Sturka 34:7

Jekob luhpia waitna nani ba twi wina balan bara dîa takan sturka ba sut walan. Bara witin nani ai kupia baiki banhwan. Siquem, Dina ra taibi munan lâka ra wal yapan ba lika Israel mapara diara saura pali daukan. Baha daukanka saura ba lika daukaia apia pali saurka ba daukan.

Blasi Sturka 38:24

Baha takan ba wina kati yumhpa prais luan ba ra, upla nani bal Juda ra win: —Mulam yapti, Tamar waitna wala nani wal taukan bara kwihra tiwan. Juda baha walan ba ra, ai kupia baiki ai bîla karna aisin: —¡Man nani bui witin ba alki latara saki, pauta ra angks!

Blasi Sturka 39:9

Naha watla bilara upla wala yang wal kau tara wala âpu sa, man baman lika yang mihti ra mai mangkras kan, man sika witin ai maya mairin sma bamna. ¿Yang nahki baha saurka tara ba daukamna bara Gâdki mapara saura daukaia?

2 Samuil 12:5

Baha waitnika mapara Debit ai kupia sauhkan, bara Natán ra win: —Gâd ra swer takisna, baha uplika dukiara, witin baha diara daukan ba lika pruaia aitani sa.

2 Samuil 13:12

Witin pana win: —Apia, laikra, swiri daukpara, naku kau Israel ra daukras sa. ¡Naha sât swira lâka daukpara!

Impakan Sturka 32:21

Baha ningkara Eran ra win: —¿Upla nani na mita dîa mai munan kan, naku yaram witin nani saura tara kum dauki banhwan na?

Impakan Sturka 32:35

Bara Dawan mita witin nani purara klala kum blikan, Eran gul ni bîp lupia paskan ba ra mayunan ba tâwan.

Sins Lâka 28:10

Ya upla wapnikira nani ra yabal saura brih auya, witin mita unta pakni salhkan ba ra kauhbia, sakuna aihwa man dauki uplika nani ba ai dukia diara yamni tara bribia.

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Roman 2:11

Kan Gâd ba upla mawanka kulkaia lâka âpu sa, sut ba sim sât kulkisa;

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Jasua 7:25

Bara Jasua bui Acán ra win: —¿Naha saura lâka tara na, dîa muni man wan purara bri balram? Bamna nanara, naha saurka lâka tara bri balram na mana, Dawan mita saurka ba man puramra batakuya. Witin baha aisin ba ra, Israel luhpia nani sut ba mita Acán ra, luhpia nani, dukia nani sut ba purara walpa ni sabi baha kat iki pauta ni angkan.