Blasi Sturka 20:2 - DAWAN BÎLA AISKA

² Bara witin bahara iwi kan ba ra Ebraham ai maya Sara dukiara upla nani ra win Sara ba witin ai lakra. Bamna baku Abimélec Guerar kingka ba, Sara ba ai mairka briaia paiwan.

Blasi Sturka 20:2 ပူးပေါင်းရင်းမြစ်များ

Blasi Sturka 12:15

Bara king fero wihtka tara nani sin kaikan mairin ba mairin painkira sa, bara witin nani wih king ra win. Bara mairka ba witin nani king watla ra brih wan.

Blasi Sturka 20:12

Ban sakuna yang kasak pali mai wîri, kan witin ba yang laikra sa, kan witin sika yang aisiki luhpia, yaptiki luhpia lika apia. Baha mita yang sip kapri witin wal mayi takaia.

Blasi Sturka 21:22

Baha piua nani ba tilara Abimélec Ebraham wal sturi kum aisaia wan. Ficol sin witin wal wan, witin lika suldiar kiaptinka ba. Bara Abimélec bui Ebraham ra naku win: —Yang nani kaikisna man lika diara nani sut daukisma ba, Gâd bui tâm baikisa.

Blasi Sturka 26:1

Baha yua nani ra baha tasbaya aiska ra plun tiwan tara kan, Ebraham yua nani ra plun wahwan kata ba purkara. Baha mita Aisak filisteo kingka Abimélec ra wan Guerar ra.

Blasi Sturka 26:16

Bara yu kum Abimélec bui Aisak ra win: —Man naha tasbaya wina taki was, kan man kau diara ailal brisma yang nani wal.

Blasi Sturka 26:7

Bara bahara tawanka uplika nani ba ai maya ba dukiara makabi wali kan, bara witin pana win: “Witin ba yang laikra”, kan witin sibrin luki kan, ban kra yang mayi wibia kaka, Rebeca tâwan baha waitnika nani mita witin ra ikbia luki kan, kan Rebeca ba mairin painkira kan bamna.

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

2 Kronikas 20:37

Bamna Eleazar Maresá wina ba, Dodavahu luhpia, Josafat mapara Dawan bui marikan naku aisaia: “Dawan ba diara daukram nani ba yuya baman daukbia, Ocozías wal asla takram bamna.” Bara kasak pali, slaup tara nani ba yuya baman takan kata, bara sip Tarsis ra waras kan.

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Sins Lâka 24:16

kan upla kasakkira ba aima 7 kauhan kaka kuna kli aima wala buaia sip sa; kuna watawikira nani trabil ra kauhi ba kau rungwan kabia.

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Sins Lâka 6:29

Ya upla maya wal aiblakwi ba, klala luha kabia apia.

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Epesus 4:25

Baha mita kli kunin aisapara, sakuna kumi bani ai muihnika ba wal diara kasak baman aisi kabia, kan yawan sut lika wîna tara kum sirpika nani sa.

Kolosi 3:9

Pana pana kunin munpara, kan pat tânkam almuk ba wina dakbi mai sakan sa, bara pas piua dîa dîa dauki katma ba wina sin,