Blasi Sturka 20:17 - DAWAN BÎLA AISKA

¹⁷ Bara baku Ebraham lika Gâd ra ai pura sunan, bara Abimélec wihki maya wâlsut ra sikniska wina rakan; baku sin albika mairin nani sut biara prakan kan ba wina Gâd mita rakan, bara witin nani luhpa baikaia sip kan;

Blasi Sturka 20:17 ပူးပေါင်းရင်းမြစ်များ

Blasi Sturka 12:17

Baha purkara Sarai Ebram maya tâwan, Dawan mita king fero watla uplika nani ra sut ra siknis ni klala saura yaban.

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Blasi Sturka 29:31

Bara Dawan kaikan Jekob mita Lea ra uya yamni kaikras kan ba. Bara witin ra luhpa nani yaban, sakuna Raquel lika biarapara daukan.

Esdras 6:10

bara baku lika sip kabia Gâd laih purara ba ra sakripais angki, witin yamni kaiki ba dauki, king bara ai luhpia nani dukiara sin ai pura sunbia.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Aiseya 45:11

Dawan, Israel Gâdka Holikira ba, witin paskan ba aisisa: “¿Man nani bui yang ra makabi walaia sma ki luhpi nani ba dukiara, apia kaka man nani mita ai wiaia sma yang warkki nani ba nahki daukaia dukiara sin? ¿Bara yang mihti warkka nani daukaia dukiara sin?

Kulki Kaikanka 12:13

Bara Moses bui Dawan ra wini, naku win: “Gâdki, mamkabisna, nanara pali man bui witin ba rakma.”

Kulki Kaikanka 21:7

Bara upla nani ba plapi wan Moses bâra kan ba kat, bara win: —¡Yang nani Dawan mapara saura aisari, bara mampara sin aisi banhri! ¡Bamna Dawan ra makas naha piuta saura nani ba sut yang nani wina sâkbia! Bara Moses bui Dawan ra makaban, upla swakwanka ba ban swih tikbia.

Matiu 21:22

Bara man nani kasak luki puram sunra ra makama ba, sut brima.

Matiu 7:7

“Man nani makas, bara Gâd mita maikbia; pliks, bara sâkma; dur ra kings, bara man nani ra kwâkan kabia.

Apastil Nani Sturka 3:24

“Baku bamna, prapit nani sut ba, Samuil wina ai kainara, ban aisin sa naha dukiara.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

1 Tesalonaika 5:25

Muihki nani, yang nani dukira puram suni bas.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.