Blasi Sturka 2:9 - DAWAN BÎLA AISKA

⁹ Bara tasba ba wina yan dus nani pranakira sât sât pâwan, baha mâ nani ba sin kaiki aihni pin wan dauki sâtka ba. Baku sin giadin lilapas kat yan pâwan raya kaia dusa ba, bara diara yamni bara diara saura ba wal tânka kaikaia dusa ba sin.

Blasi Sturka 2:9 ပူးပေါင်းရင်းမြစ်များ

Blasi Sturka 2:17

sakuna diara yamni bara saura tânka kaikaia dusa mâ ba wina lika man pipara. Man baha dusa mâ wina pipara, kan pima kaka, rait pali man pruma.”

Blasi Sturka 3:22

Bara Gâd win: “Nâra kaiks, nanara upla ba yawan nani kumika baku takan sa, yamni bara saura ba wal tânka kaikisa. Nanara kaiks, witin ai mihta sâkbia raya kaia dusa ba wina sin brih pibia, bara witin pruras ban kabia ba sîa.”

Blasi Sturka 3:24

Witin mita upla ba kangbi sakan, bara giadin lalma tani ra kirubin nani tnawa bri ba ra swin. Pauta klauhi isparka kum, tnaya bani ra namhpa namhpa tawi ba sin bâra swin, raya kaia dusa ra waia yabalka ba aihwaki kaiki kaia, upla kli bâra wih dimbia apia dukiara.

Blasi Sturka 3:3

sakuna giadin lilara dusa mâ ba dukiara, Gâd ai win yang nani baha wina pimna apia, bara sin kangbamna apia win, kan baha daukamna kaka, pruamna ai win.

Blasi Sturka 3:5

Ban sakuna, Gâd kaikisa man nani baha dusa wina pima yua ba, Gâd baku namkra ilingkan kabia, bara yamni ba wihki saura ba wal tânka kaiki banhma.

Sins Lâka 11:30

Kasakka lâka ba rayaka yabisa, karnika ni sauhki tiki ba lika rayaka sakisa.

Sins Lâka 3:18

Sins lâka ba, rayaka lâka sa ya baha bri ba; ¡dutki bri alki uplika nani ba, lilia pali sa!

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Aiseya 47:10

Kan man watawikam lâka ra lukankam mangki briram bamna, man wiram: ‘Upla ai kaikras sa.’ Man sinskam lâka ba, man diara tânka kaikaia lâka brisma ba mita kunin mai munan. Bara kupiam ra wiram: ‘Yang baman, kau wala âpu sa yang wina.’

Isikiel 31:16

Yang yabrika prura kingka tasbaya ra iwbia pruan nani bâra ba wal asla prawaia; witin kauhan binka ba wali tasba ra nisan nani ba tatatbia bara baha tasbaika ra tasba munhtara Eden dusa nani ba maisa nihkra brin kabia; kau painkira bara kau pain lî ni laiki lâkan nani ba sin Líbano ilka ra.

Isikiel 31:18

Eden ra dus nani bâra ba kumi sin witin wal sip prakras kata kulkanka ba bara pâwanka yarika ba wal sin; bara ban sakuna, Eden dusa wala nani wal baku mâyara iwbia, tasbaya tasba munhtara bâra ba kat iwi wabia, idan nani tilara iwaia, upla nani war ra pruan nani ba tilara. ‘Baha dusa tara ba king fero sa ai uplika sut kira. Yang, Dawan, kasak aisisna.’ ”

Isikiel 47:12

Awalka bailka wâl un ra dus nani sât sât pâwbia mâ bri kabia. Wahia nani ba kauhbia apia ban kaia ra, mâ nani ba sin iwi ban kabia. Kati bani mâ alki kabia, kan tempel wina taki laya wal buski kabia bamna. Mâ nani ba plun bara wahia nani ba sîka kabia.

Jan 6:48

Yang sika raya ban kaia yabi britka ba.

1 Korint 8:1

Bara nanara, aidul nani ra sakripais dauki yan pata ba tânka aisisni. Kasak sa baha aisi ba: yawan sut tânka brisa; baha tânka kaikaia lâka ba wan munisa yawan na tara sa, sakuna latwan lâka mita lika spirit tani wankan pâwisa.

Kli Smalkanka 6:25

Yawan ra adar wankan baku, yawan ai lâka nani ba dauki kaia Dawan wan Gâdka mawanra.’

Param Marikanka 2:7

¡Ya ai kiama bri kaka, Spirit mita serts nani ra wi ba pain walaia sa! Ya ya sip muni pura lubia ba, raya kaia dusa Gâd paradaiska ra ba wina, yang mita yârika pibia.’

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.

Param Marikanka 22:2

Tawan wakpaska lilapas ra bara awala baila wâlsut ba ra raya kaia dusa ba pâwi kan kati bani ai mâ saki kan, baha sika mani kumi bilara ai mâ 12 saki kan; bara dusa wahia nani ba nisan nani ba rakaia dukiara kan.