Blasi Sturka 2:5 - DAWAN BÎLA AISKA

⁵ tasba ra kau inma nani sin pâwi takras kan, insla namya nani sut sin kau pâwras kata, kan lî ba sin Dawan Gâd mita kau yan tasba purara auhras kan bamna, bara upla sin kau âpu kan tasba ra insla daukaia.

Blasi Sturka 2:5 ပူးပေါင်းရင်းမြစ်များ

Blasi Sturka 2:6

Ban sakuna, tasba wina lî laiwi kan, bara baku sika tasba aiska ra lî buski kan ba.

Blasi Sturka 3:23

Dawan Gâd bui upla ba Eden giadin wina sakan, bara tasba ra insla dauki kaia swin, kan witin ba tasba wina brih sakan bamna.

Blasi Sturka 4:12

Man tasba ra insla daukma sin, witin ai karnika kli maikbia apia. Man plis kum ra sin iwaikam âpu, ban tringsar baku tasba ra yukuwi plapi baman watauki kama.

Blasi Sturka 4:2

Baha ningkara ai muihnika Abel baikan. Bara Abel lika sîp nani sahwi kan, Ken ba lika insla dadaukra takan.

Job 5:10

Witin yaban tasba ra lî auhisa, bara baku tasba ba lî buskisa,

Lawana Nani 104:14

Witin twi nani yan pâwisa, daiwan nani pata, inma nani sin yaram pâwisa, upla ba plun mangki mâ sakisa, tasba ba wina ai pata sakaia dukiara sin.

Lawana Nani 135:7

Witin mukus nani yan uluya, wan tasba paskanka lâs ba wina; witin lî auhi ba dukiara, imyula nani yan maisa pakisa, witin ai dukia kukan nani bri ba wina, pâsa sakisa.

Jirimaya 10:12

Dawan, ai karnika ni tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Jirimaya 10:13

Alwani bîla baikra ni lî auhaia binka ba kasbrika purara daukisa, tasba paskanka ba wina kasbrika nani ba sunisa, lî auhi ba tilara yan imyula lipisa, pâsa watla wina sakan pâsa ba krawisa.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Hibru Nani 6:7

Tasba purara lî auhaia bani tasbaya mita laya ba di ba baku, witin nani sin baku sa: tasbaya ba witin purara wark taki nani ba ra, mâ yamni nani saki yabisa kaka, Gâd mita yamnika yabisa.