Blasi Sturka 2:22 - DAWAN BÎLA AISKA

²² Bara baha tnaya mina wina Dawan Gâd bui baha ni mairin kum paski muni, witin ba waitna ra bri balan,

Blasi Sturka 2:22 ပူးပေါင်းရင်းမြစ်များ

Blasi Sturka 2:19

Bamna Dawan Gâd bui daiwan nani sut bara tnawira nani sin tasba wina paskan, bara upla ra bri balan baha nani ra nina mangkbia dukiara. Bara upla ba mita daiwan tim nani sut ra nina mâkan, baku sin tnawira nani bara daiwan wail nani sut ra, bara baha nina ba wal takaski banhwan. Ban sakuna, upla ba wal baku pana pana ai hilpka dauki kaia ba lika baha nani wina kumi sin sakras kata.

Lawana Nani 127:1

Tempel ba, Dawan mâkras kaka, baha nani, bara wark taki ba bahki takisa; tawan ba Dawan bui kan kahbras kaka, baha nani aihwaki kaiki ba bahki aihwakisa.

Sins Lâka 18:22

Maya mairin pliki saki ba diara yamni sakisa: Dawan wina sin yamnika tara alkuya.

Sins Lâka 19:14

Wan watla, wan yuyaka ailal ba, yawan wan damika nani wina brisa; sakuna wan maya mairin âuya mâira ba lika, Dawan wina yawan brisa.

1 Timoti 2:13

Kan Gâd bui Adam ba pas paskan, bara baha ningkara Iv.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.