Blasi Sturka 19:38 - DAWAN BÎLA AISKA

³⁸ Muihnika sirpika ba sin ai luhpia waitna kum baikan, bara ai nina ba Ben-Ami mâkan, baku witin ba ban naiwa kat Amón uplika nani aisika mâkan sa.

Blasi Sturka 19:38 ပူးပေါင်းရင်းမြစ်များ

Blasi Sturka 20:1

Baha tasbaya ra bâra kan ba wina, Ebraham witin Négueb tani ra impaki wan, bara Cadés wihki Sur wal bilka ra takaskan, baha wina tisku Guerar ra wih iwan.

Lawana Nani 83:9

Madián ra daukram ba baku, witin nani ra dauks, Sísara ra daukram ba baku, Jabín ra Quisón tingni ra daukram ba baku;

Aiseya 11:14

Witin nani wâlsut ba muna tani bâk filisteo nani ra wabia, nina tani tawi ba ra; mapara aiklabia, asla lalma tani tawanka nani dukia kukan ba dakbia. Ai karnika ba Edom, Moab bara Amón uplika nani ra taibi bribia.

Sofonías 2:8

Karnika sut alki bri Dawanka, Israel Gâdka ba, naku aisisa: “Moab uplika nani mita upla nani swira dauki kan ba walri. Amón uplika nani mita sin saura muni kan ba kaiki, witin nani upliki nani ra swira daukan, upliki nani tasbaya ra iwi, witin nani tara takan. Yang raya ban sna bamna swer taki aisisna: Sodoma uplika ra dîa takan ba baku, Moab ra takaia, Amón uplika nani ra sin, Gomora ra dîa takan ba baku takbia. Kiaya nani pâwaika langnika bara sâl sakaia tasbaya sin takbia; plis kum ban kaia ra yakan takaskaia ba. Upliki nani pruras swak takan kabia nani ba, bal dukia nani ba brih, bâra ai tasbaya ra iwbia.”

Kli Smalkanka 2:19

Sakuna Amón uplika nani wal prawma kaka, baha nani sin Lot kiamka nani sa; witin nani ra watawi munpara, wal aiklapara, baha nani tasbaya wina sin tasba pîs lupia pan maikamna apia, tasbaya ba yang pat yabri witin nani ai dukia.’

Kli Smalkanka 2:9

Bamna Dawan bui ai win: ‘Moab uplika nani ra trabil munpara, saura sin munpara, kan witin nani ba Lot kiamka nani sa. Baha kuntrika wina man nani tasba pîs lupia sin brima apia, yang bui Ar tasbaya ba witin nani ai dukia yabri bamna.’

Kli Smalkanka 23:3

“Amón uplika nani bara Moab uplika nani ba sip Dawan daknika ra dimbia apia, kiamka nani 10 lubia wina bara ningkara sin apia;

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

1 Samuil 14:47

Baku, Saúl Israel kingka aimakaia karnika alkan bara anira ai waihla nani bâra kan ba sut mapara aiklabi kan: Moab ra, Amón ra, Edom ra, Sobá kingka bara filisteo nani mapara sin. Ani anira witin wih aiklabi kan ba, sut pura lui kan.