Blasi Sturka 19:25 - DAWAN BÎLA AISKA

²⁵ bara tawan nani, baha bilara iwi kan nani ba, diara nani pâwi kan ba sut âpu daukan.

Blasi Sturka 19:25 ပူးပေါင်းရင်းမြစ်များ

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Blasi Sturka 13:12

Ebram Kenan tasbaya ra takaskan bara Lot taki wan, Sodoma tawanka tara ba tani ra, il bîla tawanka nani ba lamara iwaia.

Blasi Sturka 14:3

Bara baha kingka nani matsip ba sut ai suldiarka nani ba Sidim ilka bîla ra asla daukan, Kabu Pruan ba baha ilka bîla lamara sa.

Lawana Nani 107:34

tasba pain kata ba, sâl tasbaya daukisa, bahara iwi ba uplika nani saurka tâwan;

Aiseya 13:19

Bara Babilon, king tasbaya nani pranakira ba, Caldea uplika nani tasbaya tara skahkanka pranakira ba, Sodoma bara Gomora baku takma yang mita sauhki tikatna piua ra.

Jirimaya 20:16

¡Baha waitnika ba Dawan mita sauhkan tawanka nani ba baku sauhkan ba ban kabia! ¡Titan ra wali kabia latwan pali bri inanka nani ba, bara wan lal kat war winanka ba,

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 49:18

witin nani ra sin Sodoma, Gomora wal, lamara tawanka nani kan bara sauhki tikan ba, baku takbia. Upla kli bahara iwbia apia, bahak wapi sin lui kabia apia. Yang, Dawan, aisisna.

Jirimaya 50:40

Sodoma ra, Gomora ra, bara tawanka nani lamara kan ba sut sauhkan ba baku, witin ra sin takbia. Upla baha tasbaya nani ra kli iwbia apia, baha lamak sin wapi lui kabia apia. Yang, Dawan, kasak aisisna.

Inanka Nani 4:6

Yang upliki nani watawanka Jerusalem ra saura munan ba kanra tara sa, Sodoma saura daukan ba wal, baha lika tasbaya purara upla bal aiklabras, minit kumi ra sauhkan.

Isikiel 16:50

Ai kwalhwanka tara wal diara nani daukan yamni kaikras sna dukia. Baha mita sauhkri, man damra walisma baku.

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Kli Smalkanka 29:23

kuntri aiska ba kaikbia tasbayam ba sulpa, sâl, tasba baman ami tiwbia. Baha tasbaya ra diara mangkaia sip apia kabia, diara ai mâ sin sâkbia apia; twi sin pâwbia apia, Sodoma, Gomora, Adma bâra Seboím ra Dawan ai kupia baiwanka prautka ra sauhki tikan ba baku kabia.

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.