Blasi Sturka 18:8 - DAWAN BÎLA AISKA

⁸ Bara plun daukan ba purkara, witin wan bara kwahadu bara bîp tialka laya sin bri si witin nani dus mununhtara kan ba ra yaban, witin nani baha pin.

Blasi Sturka 18:8 ပူးပေါင်းရင်းမြစ်များ

Blasi Sturka 18:7

Bara witin kli plapi wan bîp nani tilara, baha wina bîp kum painkira batanira lupia ba kum saki, ai albika kum ra yan baha ba brih mahka pali iki plun auhni kum daukbia dukiara.

Blasi Sturka 18:9

Witin nani pin ba ra, Ebraham ra makabi walan: —¿Man mayam Sara ba anira sa? Ebraham pana win: —Witin tint watla bilara sa.

Blasi Sturka 19:3

Ban sakuna, Lot witin nani ra kli taibi aisi kan bamna, witin nani ban âu takan bara watla ra wan. Witin nani utla ra diman ba ra, Lot witin nani ai dukiara tutni pata auhni kum daukan, brit îs âpu daukan, bara impapakra nani ba pin.

Nihimaya 12:44

Baha piua ra tila upla nani ba nina mâki bâk sakan kan, yuyaka nani auhbi swiaia watla, tempel ra bâra ba, plun mâ disang nani tâura sakan ba, matawalsip mânka nani bri bal ba pura kaikaia dukiara, waitna nani bâk sakan. Tawan uplika nani ai nasla wina plun saki bri balan nani ba baha plun watla ra auhbi kan, lâ ra ulban ba kat dauki kan, prîs bara Libait nani dukia. Juda uplika nani ai nasla wina bri bal kan, witin nani prîs bara Libait nani warkka dauki ba, ai âuyapah kan ba mita.

Aiseya 7:15

Witin kau tuktan kabia ba piua ra, bîp tialka laya, kwahadu, nasma laya pi kabia.

Aiseya 7:22

tialka laya manis bri kabia, baha mita kwahadu pibia, nasma laya sin dibia baha uplika pruras ban bahara takaskuya ba.

Luk 12:37

Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 17:8

Apia, sakuna kau ni wima: ‘Tutni pata ba mahka ridi dauks, bara maisam wilki, duki dauki bas, yang plun pimna kat. Baha ningkara, man sip kama plun piaia bara diara sin diaia.’

Luk 24:30

Witin nani aikuki pat tibil ra iwi kan ba ra, witin ai mihta ra brit ba brih, yamni muni, kriki, witin nani ra yan.

Luk 24:43

bara Jisas baha ba brih witin nani mawan kat pin.

Jan 12:2

Bahara Jisas prana daukaia dukiara tutni pata tara kum dauki banhwan; Marta lika plun ba tibil ra kahbi hilp muni kan, bara Lasarus sin Jisas wal tibil ra iwi plun pi kata.

Apastil Nani Sturka 10:41

Upla sut ra lika param takras kan, sakuna yang nani ra lika. Gâd mita kaina wina yang nani na bâk ai sakan, witnis kaia ba dukiara. Jisas pruan wina buan ningkara, yang nani aikuki plun piri, diara sin dih banhri.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Kli Smalkanka 32:14

bîpkam nani wina tialka laya bara kwahadu mai dakakan, sîpkam lupia wîna kau pain ba maikan piram, Basán sîpka wina guts wainhka nani sin; plawar mâ kau pain ba sin piram, wain sin diram, wain tâlia ba wina sin.

Param Marikanka 3:20

Kaiks, yang dur ra kingbisna; ya yang bîli baikra wali dur ba kwâkbia kaka, ai watla ra dimi witin wal plun pimna.

Wihta Nani 13:15

Manoa tânka briras kan baha waitnika ba Dawan insalka kum witin ra balan kan ba. Bara witin waitna ba ra win: —Pliskam pali, yang nani wal nâra wiria takaski bas, yang nani guts lupia kum ikamna bara yawan aikuki baha pibia. Bara insal ba witin ra kli win: —Âu, yang ban man nani wal takaskamna kaka, sakuna patam ba lika pimna apia. Sakuna man sip sma baha gutska lupia ba aiska angki Dawan ra sakripais dauki yabaia.

Wihta Nani 5:25

Sísara lî diaia makaban, sakuna Jael witin ra tialka laya diaia yaban. ¡Tialka laya krangwanka ba, kahmi painkira ra laiki bri sal yaban diaia!