Blasi Sturka 18:6 - DAWAN BÎLA AISKA

⁶ Bara Ebraham plapi tint watla ra wih diman bara Sara ra win: —¡Aihni muns! Plawar kau pain ba wina bîk bakriki brih ki, brit wiria angks.

Blasi Sturka 18:6 ပူးပေါင်းရင်းမြစ်များ

Blasi Sturka 18:5

Man nani dukiam dadaukra sna latki nahak bal luma bamna, yang plun wirâ bri balamna, man nani baha pih kli karnikam bri bara yabalkam ra wama dukiara. Witin nani pana win: —Aitani pain, yang nani nâra iwi kamna.

Blasi Sturka 18:7

Bara witin kli plapi wan bîp nani tilara, baha wina bîp kum painkira batanira lupia ba kum saki, ai albika kum ra yan baha ba brih mahka pali iki plun auhni kum daukbia dukiara.

Blasi Sturka 19:3

Ban sakuna, Lot witin nani ra kli taibi aisi kan bamna, witin nani ban âu takan bara watla ra wan. Witin nani utla ra diman ba ra, Lot witin nani ai dukiara tutni pata auhni kum daukan, brit îs âpu daukan, bara impapakra nani ba pin.

2 Samuil 13:6

Amnón krikri ra prawan bara siknis taki baku daukan. Bara king ba wan witin ba kaikaia. Amnón witin ra win: —¡Pliskam pali! Tamar balbia bara nâra laimara turtiya wâl daukbia, bara witin bui maiwanra kahbia.

Lawana Nani 119:60

Yang aihni munri, takaskras kira, man lâmka bîla nani ba bri daukaia.

Aiseya 32:8

Sakuna kasakkira kunin aisaras ba, kunin âpu lâka baman luki kaikbia, bara kunin âpu lâka ba mita purara bukan kabia.

Matiu 13:33

Naha maprika lilka wala na sin baha nani ra win: “Gâd king aimaki lâka ba îs wal baku sa. Baha ba mairin kum mita brih plawar paun yumhpa ra mangkisa, plawarka miks munan ba sut puskuya kat.”

Apastil Nani Sturka 16:15

Witin lika ai watla uplika nani sut ba wal tahbi daukan. Ningkara yang nani ra makaban: —Yang na kasak Dawan ra tawri lukisma kaka, man nani bal waitla ra dimi takasks. Bamna witin taibi ai munan takaskaia.

Roman 12:13

Gâd uplika nani dîa luha ba hilp munma; upla bal mai kaiki nani ba pain bris.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

Hibru Nani 13:2

Upla tringsar nani wamtla ra dingki briaia ba kupiam krauki bas. Upla tila nani naku dauki, ai dara walras pali insal nani ai watla ra dingki brisata.

1 Pita 4:9

Pana pana walkam nani ba wamtla ra dingki bris, brukwan âpu.

Wihta Nani 6:19

Gedeón ai watla ra wan bara guts lupia kum iki piakan, plawar sin 20 litro saki brin, bara îs mangkras britka daukan. Bara wîna piakan ba kûa kumi ra mangkan, pilala ba sin dikwa kum ra laikan, bara usupum dusa munhta ba kat brih wan.

1 Samuil 28:24

Bara mairin ba bîp lupia batanira kum ai watla ra bri kan ba ikan, plawar akban, brit îs âpu ba daukan bara angkan.