Blasi Sturka 18:30 - DAWAN BÎLA AISKA

³⁰ Sakuna Ebraham kli aima wala ra Dawan ra makabi pali aisin: —Dawanki, man ra puri suni kli mamkabi walisna, yang ra kupiam baikpara, sakuna nahki sa ban kra man upla 30 baman sâkma kaka... Bara Dawan pana witin ra win: —Baha nani 30 baman dukiara sin tawanka ba sauhkras ban swimna.

Blasi Sturka 18:30 ပူးပေါင်းရင်းမြစ်များ

Blasi Sturka 18:29

Ebraham ban kli makabi walan: —¿Ban kra upla pâtkas nani 40 baman sâkma kaka? Dawan pana win: —Baha 40 nani pâtkas ba kulkanka ra, tawanka ba sauhkras ban swimna.

Blasi Sturka 18:31

Sakuna Ebraham kau ban taibi aisi kan Dawan ra: —Dawanki, yang daukaia dukia apia sa sakuna ban aisisna na; ¿dîa takbia man upla pâtkas nani 20 baman bahara sâkma kaka? Dawan bila pana win: —Baha 20 upla nani ba dukiara sin yang tawan ba sauhkras ban swimna.

Blasi Sturka 44:18

Bamna Juda ba Josep lama pali ra wan bara win: —Âu, yang bui man ra puri sunisni, dawanki, du pliskam, yang lika man wal baman wiria aisaia brin ai daukisa. Pliskam pali, yang ra lawpara, man na king fero wal baku tara sma, man wal aisisna ba king fero wal aisisna baku sa.

Job 40:4

¿Dîa pali yang bui man ra aisamna ki, kan yang na diara bahki sna na? Kanra yamni sa yang sâp kamna.

Lawana Nani 10:17

Dawan, praut âpu nani makabanka ba, man walisma. Man bui witin nani ba tâ baikisma, kiamam mangki walisma.

Lawana Nani 89:7

Dawan tara bara sibrinkira kasbrika purara ba insalka nani, kutbi kir mai bri ba.

Lawana Nani 9:12

Kupia kriwan uplika nani dukiara, Gâd ba lukisa; inanka nani ba, witin ai âuya tikras; saura muni uplika nani ra witin klala yabisa.

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Wihta Nani 6:39

Ban sakuna, Gedeón kli kau ban Dawan ra aisin: “Yang wal kupiam baikpara, yang kli taibi aisisna bamna. Sakuna kau aima kumi diara kum daukma ba kaikan ai daukisa. Nanara dauks sîp taya ba lâwan kabia, sakuna diwas laya ba baha lamara tasba ba ra baman buswan kabia.”