Blasi Sturka 18:26 - DAWAN BÎLA AISKA

²⁶ Bara Dawan pana witin ra win: —Sodoma tawanka tara ra upla pâtkas nani 50 sakamna kaka, witin nani dukiara luki, pâtkira nani bahara iwi ba ikras ban swimna.

Blasi Sturka 18:26 ပူးပေါင်းရင်းမြစ်များ

Blasi Sturka 18:17

Bamna Dawan lukan: “Yang diara daukaia lukisna ba Ebraham ra wiaia sna,

Aiseya 10:22

Uplikam nani Israel ba, kabu auhika baku ailal kabia kra, sakuna dîa kau swin ba baman lika, kli tawi balbia. Sauhki tikaia lâka ba pat daukan sa bara kasakka lâka ba mita pura lui kabia.

Aiseya 19:24

Baha piua ra Israel ba Idsip Asiria, aikuki asla taki, bara nisan nani ba sut purara yamnika bri balbia.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Aiseya 65:8

Dawan aisisa: “Wain mâ ba laya pain alkan bara upla baha swin aisawras, kan witin nani baha wina wain manis sakaia sip sa. Bara yang sin albiki nani ra latwan kaiki baku daukamna, nisan nani ba sut âpu daukamna apia.

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Isikiel 22:30

Yang baha uplika nani tilara plikri, upla kum bâra kabia sapa tawan dukiara luki ba, bara yang ra tawan ba aisabia diara sauhki tikamna apia dukiara; ban kuna yang sakras.

Matiu 24:22

Bara Gâd baha piua prahni daukras kaka, upla kumi sin swaki sakan kabia apia; sakuna witin bâk sakan nani ba latwanka ra prahni daukbia.