Blasi Sturka 18:24 - DAWAN BÎLA AISKA

²⁴ Ban kra tawan tara ba ra upla pâtkas nani 50 bâra sa kaka, ¿baha nani 50 ba swaki sakaia dukiara wala nani ba pâtka ban swih tikras sut pali iki tikma ki?

Blasi Sturka 18:24 ပူးပေါင်းရင်းမြစ်များ

Blasi Sturka 18:23

Witin Dawan lamara kau itwi dimi wan, bara witin ra makabi walan: —¿Upla pâtkas nani ba sin, pâtkira nani ba wal aikuki baku iki tikma ki?

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Blasi Sturka 18:32

Sakuna Ebraham kau ban taibi aisi kan: —Dawanki, pliskam pali, yang wal kupiam baikpara, sakuna kau aima kum pan naha kat kli mamkabi walaisna: ¿man upla matawalsip baman bahara sâkma kaka, ban sauhkma? Bara Dawan bui witin ra win: —Baha nani matawalsip ba dukiara sin, yang tawan ba sauhkras ban swimna.

Job 35:8

Man saurkam ba lika upla ra saura munisma, bara dîa yamnikam nani ba sin upla ra lika yamni nani daukisma.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Apastil Nani Sturka 27:24

Bara insal ba naku ai win: ‘Si bripara, Pal, kan man Rom kingka tara mawanra buaia kama, bara man tamka mita Dawan naha uplika nani aikuki duri ra sma na, sut swaki sâkbia prura wina.’