Blasi Sturka 18:19 - DAWAN BÎLA AISKA

¹⁹ Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 18:19 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

Blasi Sturka 17:9

Baha purkara, Gâd bui Ebraham ra win: —Sakuna man lika yang lâika mai wîri ba daukma, man bara kiamkam nani sut sin baku daukbia.

Blasi Sturka 22:18

bara man kiamkam ra praki nisan wala nani sut tasba aiska ra bâra ba sin yamnika yan kabia, man bui yang bîli wali daukram ba mita.’

Blasi Sturka 35:2

Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

2 Samuil 22:22

yang Dawan yabalka ba nina blikri; ¡yu kumi sin Gâd ba watawi kulkras kapri!

2 Samuil 7:20

Dawan, ¿yang kau dîa mai wiaia sna ki, man mita yang albikam na kaikaia sma na?

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

2 Kronikas 14:3

Tringsar nani gâdka altarka bâra kan ba sut sakan, ai pura sunaia pliska nani gâd bahki ra witin nani dawan wal aisaia bri kan pliska nani ba sin baiki tikan, baku sin Aserá lilka nani kan ba sut kalki tikan.

Nihimaya 9:7

“Man sika, Dawan, Ebram ra bâk sakatma ba Gâdka; witin ba Ur tasbaya ba wina paiwram, Caldea uplika nani tawanka ba wina, bara ai nina sin Ebraham mâkram.

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 11:4

Dawan ai tempelka holikira ra bâra sa. Dawan, witin ai iwaika kasbrika purara bri ba, witin ai nakra nani aman param, kasak aihwaki kaikisa upla nani ra.

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Sins Lâka 22:6

Tuktan ba ai rayaka yabalka lâka ba, pain smalki paki bas naiwa piua ra, baku mika witin almuk takbia ba ra, baha wina tnaya ra tawbia apia.

Aiseya 38:19

Witinka nani raya ba, baha nani baman, Dawan, mayunra maikbia, naiwa yang daukisna ba baku. Aisika nani ba ai luhpia nani ra naha kasakka tânka na param marikan kabia.

Libait Lâka 14:42

Bara walpa wala raya nani bribia ba ra, walpa sakan ba watlika ra mangkaia, bara slaubla sin raya bribia walpa ba prakaia.

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Matiu 25:17

Baku sin, 2,000 brin ba, kau 2,000 pura sakan.

Jan 10:14

“Yang sika Sepad yamni ba. Aisiki mita ai kakaira ba baku, yang mita sin Aisiki ba kakaira pali sni, bara baha sim natka ra, yang na sîpki nani mita sin ai kakaira ba baku. Bara sîpki nani ba tâwan yang rayaki ba yaia wilin sni.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 27:31

Sakuna Pal mita suldiar kiaptinka ra bara suldiar nani ra sin maisa paki, win: —Naha nani duri tara na swi si plapbia kaka, man nani sut lika swak takma apia.

Epesus 6:4

Aisa nani bara yapti nani, man nani luhpiam nani ra ai kupia baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.

Kli Smalkanka 32:46

Bara Israel luhpia nani ra win: “Yang bui man nani ra mai wîri ba dukiara naiwa pain luki kaiks, bara luhpiam nani ra wis naha lâka daukaia trai kaikbia.

1 Timoti 3:12

Serts pura kakaira ba ai maya mairin kumi baman bri kaia sa, bara ai luhpia nani bara ai watla uplika ba sin pain tâ briaia lan kaia.

2 Timoti 1:5

Bamna kasak lukankam lâka kunin âpu brisma ba, yang kupi krawisa. Kukikam Loida bara yaptikam Eunice pas baha kasak lukan lâka ba brin, bara yang pain pali kaikisna man sin baha ba brisma.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Wihta Nani 13:12

Bara Manoa kli witin ra win: —Man bui yang nani ra ai wiram ba takbia ba ra, ¿yang nani bui tukta ba nahki pakaia sna ki? ¿Yang nani witin wal dîa daukaia sna ki?