Blasi Sturka 18:15 - DAWAN BÎLA AISKA

¹⁵ Sara baha walan ba ra sibrin daukan, bara witin kikras kan wiaia wisi, naku win: —Yang kikras kapri. Sakuna Dawan pana win: —Yang mai kaikri man kiki kapram.

Blasi Sturka 18:15 ပူးပေါင်းရင်းမြစ်များ

Blasi Sturka 12:13

Bamna man tâmwan yang ra ai ikbiara sîa, pliskam man bui witin nani ra wis, yawan wal wan lakra sa.”

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Blasi Sturka 18:16

Bara impapakra nani ba baha wina buan ba ra, mahka impakan ai mawan Sodoma tani ra. Ebraham witin sin baha nani aikuki auya kan.

Blasi Sturka 4:9

Bara Dawan bila Ken ra win: —¿Muihkam Abel ba anira sa? Bara witin pana win: —Yang kaikras, ¿dîa yang na muihki aihwaki kakairika sna ki?

Job 2:10

Job pana win: —¡Mairin, man diara tanis aisapara! Gâd wina diara yamni wanki ba yawan wilinkira brisa kaka, ¿dîa muni diara saura wanki ba sin yawan briras kabia? Baku bamna, baha sut tilara Job ai bîla aisinka ni wiria pan saura yaras kan.

Lawana Nani 44:21

Man pat baha ba damra walaia katma, kan man sika diara yukuwan ra bâra ba, sut pali kaikisma.

Lawana Nani 44:22

Sakuna man mamta pruaia ra ai lakan sa, sîp nani mahka ikaia watla ra bri ridi dauki ba baku.

Sins Lâka 12:19

Wan bîla kasak tânka aisi ba ban kaia ra bâra kabia, sakuna twisa kuninkira lika piua kunhku baman dukiara sa.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Mark 2:8

Sakuna Jisas pat kaikan baha nani ai kupia ra luki kan ba, bara makabi walan: —¿Man nani dîa kan baku lukisma ki?

Jan 18:17

Bamna dur main kaiki mairka ba mita Pita ra makabi walan: —¿Man sin baha waitnika Jisas wi ba disaipilka kum sma apia? Pita mita pana win: —Yang baha waitnika disaipilka apia sna.

Jan 2:25

Baha mita Jisas ra sip upla kum mita wiaia âpu kan, witin pali mita pat kaiki kan upla kupia ra dîa bâra ba sut.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Epesus 4:23

Sakuna man nani lika spiritkam bara sinskam wal ba aiska pali raya nani kaia sma,

Kolosi 3:9

Pana pana kunin munpara, kan pat tânkam almuk ba wina dakbi mai sakan sa, bara pas piua dîa dîa dauki katma ba wina sin,

1 Jan 1:8

Yawan ba saurka kumi sin âpu sa wibia kaka, wan lukanka ra kunin munisa, bara diara kasak ba kumi sin yawan ra âpu sa.