Blasi Sturka 18:14 - DAWAN BÎLA AISKA

¹⁴ ¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Blasi Sturka 18:14 ပူးပေါင်းရင်းမြစ်များ

Blasi Sturka 17:16

Witin ra sin yamni munamna, bara witin wina luhpiam waitna kum maikamna, âu, yang bui witin ra yamni munamna, bara witin ba nisan nani ailal yaptika takbia. Ai kiamka nani tila wina king nani sin bal takbia.

Blasi Sturka 17:21

Ban sakuna yang lâika ba Aisak wal daukamni, luhpiam waitna Sara baiki maikbia ba mani kum alkbia ba ra, mani wala naha piua praiska ra.

Blasi Sturka 18:10

Bara witin nani wina kumika ba bila win: —Mani aula ba yang kli bal mai kaikamna, bara mayam Sara ba luhpa waitna kum bribia. Baha aisi kan ba ra Sara dur ninara yukuwi Ebraham witin nani wal aisi kan ba sut wali kan.

Blasi Sturka 18:13

Sakuna Dawan Ebraham ra win: —¿Dîa kan Sara ba kikisa? ¿Witin sip kasak lukras sa ki nanara almuk takan ba ra witin kau luhpa baikaia sip ba?

Blasi Sturka 18:15

Sara baha walan ba ra sibrin daukan, bara witin kikras kan wiaia wisi, naku win: —Yang kikras kapri. Sakuna Dawan pana win: —Yang mai kaikri man kiki kapram.

Blasi Sturka 21:1

Dawan ai bîla win ba baku, witin Sara ra bal kaikan, bara witin ai bîla aisin ba kat sin Sara ra daukan.

Blasi Sturka 21:2

Bara baku Sara kwihra tiwan, Ebraham pat almuk pali takan kan ba ra, witin ra ai luhpia waitna kumi baiki yaban. Tukta ba baikaia piua ba, Gâd mita win piua ba kat baikan.

2 King Nani 4:16

Bara Ilaidsa win: —Naha mani aula ba yua ra naha sim piua ra, klamhkla ra luhpa kum bri kama. Bara mairin ba mita win: —Apia, dawanki, Gâd waitnika bui albikam mairin ra kunin munpara.

Job 36:5

Gâd ba lika karnakira pali sa, bara sinskira tara pali sa, bamna witin pâtkas uplika ba baha kulkras sa.

Job 42:2

Yang kaikisna man lika diara sut ba daukaia sip sma, diara âpu sa man daukaia sip apia sma ba.

Lawana Nani 90:13

¡Dawan, yang nani ra kli tawi bal! ¿Nahki kau piua wihka tiwaisma? ¡Naha nampakan nani ra kupiam swapni ni kaiks!

Lawana Nani 93:1

¡Dawan sika king! ¡Dawan ba kwala painkira ni dingkan sa, karnika ni kir kutbi brisa! Tasba aiska ba, witin bapan nikbia apia wisi.

Lawana Nani 95:3

Kan Dawan ba Gâd tara sa, King tara sa, gâd nani sut Gâdka.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Jirimaya 32:27

“Yang sika Dawan, diara rayaka bri ba sut Gâdka. Yang maipara sip apia sna ba kumi sin âpu sa.

Daniel 6:20

Bara layan nani watla ba lamara auya kan ba ra, king ba sarikira wal ai bîla saki Daniel ra wini, win: —Daniel, Gâd rayakira dukia dadaukra sma ba, ¿baha Gâdka kasak tânka ra dukia daukisma ba, layan nani wina swaki mai sakan sa ki?

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Sakaraya 8:6

Naha sut aisisna, baha piua kat baku takaia sip apia lukisa upliki nani, kau raya nani ba lukanka ra bâra bamna, sakuna yang maipara sip apia ba âpu sa. Yang Dawan, karnika sut brisna, kasak aisisna:

Kulki Kaikanka 11:23

Bara Dawan bui Moses ra pana aisin: —¿Dîa Dawan ba karnika âpu sa ki? Nanara kaikma yang bîli ba aimakisa sapa, apia kaka aimakras sapa.

Matiu 14:31

Baha pali piua, Jisas mita mihta ra alki, win: —¡Man kasak lukan lâka uya âpu sma! ¿Dîa kan namhpa namhpa lukram?

Matiu 19:26

Jisas witin nani ra kaiki si, win: —Upla nani naha na daukaia sip apia sa, sakuna Gâd lika diara sut daukaia sip sa.

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.

Mark 10:27

Jisas witin nani ra kaiki, win: —Upla nani naha sip daukbia apia, Gâd lika sip sa, Gâd mapa ra diara sut sip sa bamna.

Luk 1:13

Sakuna insal ba bila: —Si bripara, Sakaraya. Gâd mita puram sunra ba walan, bamna mayam Elisabet luhpa waitna kum baikbia, bara ai nina ba Jan mâkma.

Luk 1:18

Sakaraya mita insalka ra makabi walan: —¿Nahki kaikamna naha na kasak baku kabia sa? Kan yang mayi wal lika pat almuk pali takri sa.

Luk 1:37

Gâd mapara sip apia dukia âpu sa.

Luk 8:50

Sakuna Jisas baha wali, naku win: —Man si bripara; kasak luki bas, bara luhpiam ba rawbia.

Roman 4:21

bamna witin kasak pali luki kan, Gâd karnika brisa dîa dîa witin pramis dauki ba sut daukaia.

Epesus 3:20

Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni.

Kli Smalkanka 30:3

Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,

Kli Smalkanka 7:21

Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.

Pilipai 4:13

Diara sut mapara karnika brisni, Kraist mita karnika aiki ba mita.

Hibru Nani 11:19

Ebraham kasak lukan, Gâd ba pruan nani pali sin kli bukaia karnika brisa; bara maprika tânka baku sip sa wiaia, Ebraham ba ai luhpia pruan nani tila wina kli brin.

Wihta Nani 13:3

Sakuna Dawan insalka ba witin ra param takan bara win: “Man lika luhpa baikaia mairka apia kapram, sakuna nanara man kwihra tiwma bara luhpa waitna kum brima.

1 Samuil 14:6

Bara Janatan ai hilpika ra win: —Bus, kaisa tnaya wala ra iwi waia, bara baha idanka nani bâra ba wal prawbia kat. Ban kra Dawan diara kum daukbia yawan wan dukiara, yawan upla ailal kra, upla maura kra kabia, sakuna witin sip sa pura luaia lâka ba wankaia.