Blasi Sturka 16:3 - DAWAN BÎLA AISKA

³ Bara Sarai ai maya Ebram ba yan ai albika mairin Idsip wina ba wal bribia. Baha piua ra witin nani pat mani matawalsip iwi kan Kenan tasbaya ra.

Blasi Sturka 16:3 ပူးပေါင်းရင်းမြစ်များ

Blasi Sturka 16:16

Ebram 86 mani bri kan Ismael baikan ba ra.

Blasi Sturka 16:4

Ebram Agar wal brin bara Agar kwihra tiwan. Witin kwihra tiwan ba ai dara walan ba ra, Sarai ba ai nakra ra saura kaikan.

Blasi Sturka 16:5

Bara Sarai bila Ebram ra win: —Agar yang ra bahki ai kulki ba pâtka ba, man puramra sa. Yang mita sika mairka ba man mairkam maikri, sakuna witin ai luhpia kum briaia sa, bara nanara witin kau tara ai dara walisa bara yang ra bahki ai kulkisa. Sakuna Dawan mita wan wibia ya ba pâtkira ba, man, apia kaka yang.

Blasi Sturka 25:6

Mairin wala wina witin ai luhpia waitna nani bri kan ba, witin kau raya kan bara baha nani ra prisantka nani baman yaban, bara baha ningkara baha nani ba Aisak wal dakbi sakan, lalma tani tasbaya ra blikan witin nani bahara wih iwaia.

Blasi Sturka 28:9

Bara Isau ba Ismael wal aisaia wan, Ismael lika Ebraham luhpia waitna ba; bara luhpia mairin Mahalat ba makabi ai maya brin, Nebaiot muihnika ba, Kenan mairka nani wal pat bri kan ba tnaya ra.

Blasi Sturka 30:4

Bara baku natka ra Raquel ai albika mairin ba ai maya Jekob ra yan wal briaia. Jekob witin wal prawan ba ra,

Blasi Sturka 30:9

Lea kaikan witin kau luhpa baikras takaskan, bara ai napakan mairin Zilpá ba Jekob ra yan ai maya briaia.

Blasi Sturka 32:22

Baha tihmika Jekob buan, bara ai maya wâl ba, ai albika mairin wâl ba, ai luhpia nani 11 ba sut ai lamara brin bara Jaboc awala puswi luaika bâk puswi lui awala baila wala ra baha nani ba bri si swin.

Blasi Sturka 35:22

Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan. Jekob luhpia nani sut ba ra 12 kan.

2 Samuil 5:13

Hebrón wina Jerusalem ra wan ba ningkara, Debit bahara ai maya kau ailal brin, ai lila mairin nani sin. Bamna baha nani wina ai luhpia waitna nani bara mairin nani kau ailal brin.

1 King Nani 11:3

Bara ai maya baman 700 bri kan king watla ra, bara tnaya ra ai mairka nani, wibia kaka ai lilika mairin nani ba 300 bri kan; bara naha mairka nani tâka sika witin ai kupia ba Gâd wina tnaya ra lakan kan ba.

Galesha 4:25

Bamna Agar tânka ba wan marikisa, Sainai ilka Arabia ra bâra ba dukiara, bara naha wan marikisa naiwa yua Jerusalemka ba dukiara; bara naha tawanka lika ai luhpia nani aikuki alba nani takan sa.