Blasi Sturka 15:9 - DAWAN BÎLA AISKA

⁹ Bara Dawan pana witin ra win: —Bîp mairin tiara kum, guts mairin kum, sîp wainhka sin kum sal aik, kumi bani mani yumhpa bri kaka, bara butku almuk kum, sirpi lupia sin kum, asla dauki yang ra bri bal.

Blasi Sturka 15:9 ပူးပေါင်းရင်းမြစ်များ

Blasi Sturka 15:10

Ebram baha daiwra nani ba lilak klaki baiki bara kli wal asla praki, Dawan ra bri balan; sakuna daiwan tnawira nani ba lika baku daukras kan.

Blasi Sturka 15:8

Sakuna Ebram pana aisi, naku win: —Dawan Gâd, ¿yang diaura kaiki kasak daira walamna tasbaya na yang prapatiki aikuma ba?

Blasi Sturka 22:13

Bara Ebraham ai lal bukan bara ai ninara tawi kaikan, bara kaiks sîp wainhka kum kiaya tilara bâra sa, aringka ra kiwa ni aiblakwan; Ebraham wan bara sîpka ba alkan, bara baha wîna ni aiska angki dauki yabaia sakripaiska ba daukan, ai luhpia watlika ra.

Lawana Nani 50:5

“Baha nani, yang ra kasak ba asla dauks, baha nani yang wal lâ kum daukan ba, yang ra sakripais dauki aiki ba wal sin.”

Yamni Kulki Lawana 2:12

Tangni nani twi ra pat baiwi takan sa, aiwanaia piua ba pat aimakan, yawan wan tasbaya ra, butku sâtka nani lawana walisa.

Aiseya 15:5

Yang kupi ba Moab pura mata hilp makabia; ai tawanka wina plapi ban, Sóar kat wabia, ban sin Eglat-selisiya kat. Luhit ilka tnaya witnika bâk ini uli wabia; sauhki tikan lâka ba dukiara, karna ini Horonaim yabalka bâk impaki wabia.

Libait Lâka 1:10

“Daiwan wîna aiska angki prisant yabaia daiwra ba, waitnika ba witin ai sîpka bara ai gutska daknika ba tila wina, daiwan wainhka kum sunu ba bri balaia sa,

Libait Lâka 1:14

“Baha wîna aiska angki Dawan ra sakripais dauki yabaia ba daiwan tnawira kum sa kaka, butku tara kum, apia kaka butku sirpi kum kaia sa.

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Libait Lâka 12:6

“Klin takaia piua win ba aimakbia kat, luhpia ba waitna kabia, apia kaka mairin kabia sin, yaptika ba mita sâkbia. Sîp lupia mani kum alkan ba, ai prisantka aiska angkbia, bara butku luhpia kum, apia kaka butku talia lupia ba kum brih, Dawan wal aisaia tintka watla ra wabia. Baha sut prîs ra yabia, saurka wina klin takaia sakripaiska daukaia,

Libait Lâka 12:8

Yaptika ba sîp lupia sip atkras kabia kaka, butku talia lupia ba wâl bribia, apia kaka butku luhpia wâl, kumi ba aiska angkaia prisantka daukaia, bara wala ba saurka swih tikaia sakripaiska ba daukaia. Bara baku prîs ba witin pâtka ba swih tikaia makabia, bara baku witin klin takan kabia.

Libait Lâka 14:22

Butku sirpi wâl, apia kaka butku kau tara wâl, dîa sip ba kat bri balbia, kumi ba saurka daukan sakripaiska mana, wala ba aiska angkaia.

Libait Lâka 14:30

Baha ningkara prîs ba butku sirpi ba, apia kaka butku tara ba kum bribia, uplika ba dîa yabaia sip kan ba, baha brih sakripais daukbia, witin sunu klin takaia.

Libait Lâka 3:1

“Upla kum Dawan wal kli ai uplika takaia sakripaiska daukisa kaka, witin ai daiwra ba wina bîp mairin kum, apia kaka wainhka kum bri balaia sa, sakuna daiwra aiska ba watawan sirpi kumi sin âpu kaia sa.

Libait Lâka 3:6

“Upla kum ai daiwra daknika ba wina daiwan kum brih, Dawan wal kli ai uplika takaia sakripaiska dauki yabisa kaka, daiwan wainhka kum, apia kaka mairin kum, watawan kumi sin âpu ba bri balaia sa.

Libait Lâka 9:2

Bara witin bui Eran ra win: “Bîp wainhka lupia kum bris, sîp wainhka kum bri bal, wîna ra watawan âpu pali ba, bîp ba upla saura daukan ba saurka mana sakripais daukaia dukiara, sîp ba lika angki Dawan ra prisantka yabia dukiara.

Libait Lâka 9:4

Bara bîp wainhka wala kum sîp sin kau kum bri bal. Dawan naiwa man nani ra param takaisa, bamna baha daiwra nani ba, witin kaiki bara iki, witin wal kli uplika takaia sakripaiska ba daukaia. Bara plun mâ akban batana laya ra akbi dauki prisantka sin man nani bri balma.”

Luk 2:24

Witin nani sin sakripais daukan Dawan lâka ra ulban ba baku: butku wâl, apia kaka, butku sirpi wâl.