Blasi Sturka 15:17 - DAWAN BÎLA AISKA

¹⁷ Bara baku pat yu dimi tihmia iwan ba ra, witin kaikan kubus kum bal takan kiasma baman taki kan, bara pauta klauhan kum daiwan wîna nani klakan ba lilapas bâk ami lui wan.

Blasi Sturka 15:17 ပူးပေါင်းရင်းမြစ်များ

Blasi Sturka 15:10

Ebram baha daiwra nani ba lilak klaki baiki bara kli wal asla praki, Dawan ra bri balan; sakuna daiwan tnawira nani ba lika baku daukras kan.

2 Samuil 22:9

Ai kakma wina kiasma takan, sauhki tikaia pauta klauhanka ai bîla wina takan; ¡ai bîla wina pauta klauhan maskuka nani lulki kan!

1 King Nani 18:38

Bara Dawan Gâd wina pauta klauhan bal iwan, bara aiska angkaia wînka ba aman, pauta ba, walpa nani ba, bara tasba yamhpuska nani, bara lî plapaika ra lî kan ba sut âpu lâwan.

1 Kronikas 21:26

bara baha pliska ra Dawan altarka kum paskan, bara sakripais angki daukan, kli wal uplika takaia sakripaiska sin daukan. Ningkara Dawan ra mayunan, bara Dawan pana aisin, pura wina pauta klauhan blikan sakripais angkaia pliska ba kat.

Impakan Sturka 19:18

Sainai ilka pura aiska ba kiasma baman saki kan, Dawan baha purara bal iwan bamna. Kiasmika ba pauta mukaika watla tarka tara kum wina taki uli ba baku taki kan, bara il aiska ba sin nikbi kan.

Impakan Sturka 20:18

Israel luhpia nani ba alwani binka ba wali kan, imyula nani ba kaiki kan, trumpit binka ba sin wali kan, il wina kiasma taki ba sin kaiki kan; bara sibrin dauki ba mita, laihura takaski baha wina bûi kaiki banhwi kan.

Aiseya 62:1

Saion ra latwan kaikisna bamna, bîli prakamna apia; Jerusalem, latwan mai kaikisna bamna, ris brimna apia pura luram ingnika bal takbia ba kat, swaki mai sakan lâka ba lamp ami ingnika baku ambia ba kat.

Jirimaya 11:4

Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Wihta Nani 13:20

Pauta klauhan ba altar wina purara ulan ba ra, Manoa kaikan Dawan insalka ba pauta klauhan ba bîla wina taki kasbrika purara uli wan. Bara witin nani ai mawan tasba kat kauhan.

Wihta Nani 6:21

insal ba dus kum bri kan ba tâ ba ni, wîna ra bara brit ba sin kangban, bara walpa ba wina pauta buki klauhan, bamna wîna bara brit ba sut angki âpu daukan; baha ningkara Dawan insalka ba ai mawan wina lap tiwan.