Blasi Sturka 15:14 - DAWAN BÎLA AISKA

¹⁴ Ban sakuna, baha nisanka witin nani ra alba bribia ba, witin nani ra sin yang mita klala yabamna. Baha ningkara kiamkam nani ba diara ailal dawanka aimaki, yuyakira taki bara baha wina pri taki mahka wabia.

Blasi Sturka 15:14 ပူးပေါင်းရင်းမြစ်များ

Blasi Sturka 48:21

Baha ningkara witin Josep ra tawi win: —Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia.

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

Lawana Nani 105:42

Baku bamna, ai uplika Ebraham ra pramis holikira daukata ba ai kupia krawan.

Lawana Nani 135:14

Dawan ba ai uplika nani lâka kasakka tânka kat daukisa; ai napakanka nani dukiara sin, ai kupia swapni daukisa.

Lawana Nani 135:9

Witin, sain aihka nani blikan Idsip lilapaska ba kat, King fero bara ai wihtka nani mapara.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Impakan Sturka 12:29

Tihmia lilapas ra, Dawan mita Idsip uplika nani luhpia tawahkia kumi bani ba ikan, baku sin king fero luhpia tawahkia, king iwaika ra kan ba, silak ra mangkan nani kan ba luhpia tawahkia kat sut pruan, baku sin daiwan lupia nani tawahkia kat sin sut pruan.

Impakan Sturka 3:10

Baha mita nanara man yabal ra aimaks, yang mai blikisni Idsip kingka fero mawanra waia, bara yang upliki Israel luhpia nani ba tâ brih baha tasbaya wina sakaia.

Apastil Nani Sturka 7:7

Ban sakuna, Gâd naha sin win: ‘Baha nisanka alba bribia ba yang mita lâka daukamna; ningkara witin nani baha wina takbia, bara naha pliska ra bal yang duki daukbia.’

Kli Smalkanka 4:20

Ayan angkaia kubuska wina Dawan mai brih mai sakan, baha sika Idsip, nanara lika witin uplika ai dukia sa.

Kli Smalkanka 6:22

Yang nani kaikri sain tara aihka sibrinkira Dawan mita Idsip ra, king fero mapara bara watla bilara sin daukan ba.

Jasua 24:17

Dawan sika yawan ra Idsip wina wan sakan ba, wan damika nani ra sin, yang nani alba katna ba ra. Witin sin wark aihkakira nani ailal wan mawanra daukan, bara witin sin wan kaina kahban, wan tâ baikan yabal ra, tawan ailal tila bâk lui balata.

1 Samuil 12:8

Jekob bara ai kiamka nani sut Idsip ra wih iwan, bara Idsip uplika nani bui rausauhki kan, bara damikam nani Dawan ra winan, bamna witin Moses bara Eran wal saki blikan wan, witin nani ba Idsip wina saki naha tasbaya ra brih balan.