Blasi Sturka 15:13 - DAWAN BÎLA AISKA

¹³ Bara Dawan Ebram ra win: —Naha tânka man damra walaia sma, man kiamkam nani ba tringsar baku upla wala nani tasbaya kum ra witin nani iwbia, bahara witin nani ba alba nani kabia. Mani handat walhwal witin nani ra sin rausauhkan kabia.

Blasi Sturka 15:13 ပူးပေါင်းရင်းမြစ်များ

Blasi Sturka 15:16

Upla kiamka nani kau walhwal aimaki lubia ba kat, masrakam nani ba kli tawi naha tasbaya ra balbia. Kan amorreo nani ai saurka ba sut daukbia, bara klala yabamna ba piua ba kat.

Blasi Sturka 17:8

Kenan tasbaya ba man ra maikamna bara witin nani ra sin yabamna. Nanara man bâra iwisma tasbaya ba man prapatikam ban kabia; bara yang lika witin nani ai Gâdka kamna.

Blasi Sturka 47:4

Yang nani balri naha kuntrika ra takaskaia, kan Kenan ra plun tiwan tara bâra sa, twi sin âpu yang sîp nani pata. Pliskam pali, king, man âu wis bara yang nani Gosen tasbaya ra takaski iwamna.

Lawana Nani 105:42

Baku bamna, ai uplika Ebraham ra pramis holikira daukata ba ai kupia krawan.

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 1:13

Bamna Israel luhpia nani ra saura pali muni, alba lâka ra bri kan. Witin nani ai rayaka ra sari lâka, latwan, pât saura nani yabi kan. Witin nani ai nasla nani ra bri si wark karna pali yan dauki kan. Yan tasba baiki, drapapa nani wauhi blok nani dauki bara yan ai watla nani mâki kan. Umpira kaikan lâka âpu, rausauhki kan.

Impakan Sturka 2:24

Bara witin ai kupia krawan Ebraham, Aisak bara Jekob aikuki lâ daukan lâka ba dukiara.

Impakan Sturka 22:21

“Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Impakan Sturka 23:9

“Upla tringsar nani ra sarka paskpara, kan man nani sin Idsip tasbaya ra tringsar kapram ba ra, man nani upla wala tasbaya ra iwaia ba nahki ba tânka pain brisma.

Impakan Sturka 3:10

Baha mita nanara man yabal ra aimaks, yang mai blikisni Idsip kingka fero mawanra waia, bara yang upliki Israel luhpia nani ba tâ brih baha tasbaya wina sakaia.

Impakan Sturka 3:17

Baku sin ai win: Man nani Idsip ra pât wahwisma ba wina witin mita pri mai sakaia sa, bara tasba wala ra mai brih waia sa, Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra, bahara tiala laya bara nasma wal laiwi baku ba.’

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Kulki Kaikanka 20:15

Wan almukka nani Idsip ra wih mani ailal bâra iwan; sakuna Idsip uplika nani yang nani ra saura ai munan, wan almukka nani ra sin.

Apastil Nani Sturka 7:17

“Gâd bui Ebraham ra swer taki kira pramis munan yua ba pat aimakaia man kan ba ra, Israel nisanka ba Idsip ra ailal pali sahwan kan.

Galesha 3:17

Bamna aisisna ba lika naha sa: Gâd lika Ebraham wal lâ kum dauki pramis munan. Baha mita, Moses lâka 430 mani ningkara balan ba, sip apia sa Gâd lâ dauki pramis munan ba bahki sakaia.

Kli Smalkanka 10:19

Bamna man nani bui tringsar nani ra latwan kaiks, kan man nani sin Idsip ra tringsar kapram.

Kli Smalkanka 5:15

Kupiam krauki bas man nani Idsip ra alba katma ba, bara Dawan Gâdkam ai karnika tara bri ba baha wina mai sakan. Baha mita Dawan Gâdkam bui adar maikan ris yua ba kulkaia.