Blasi Sturka 14:17 - DAWAN BÎLA AISKA

¹⁷ Abram Quedorlaómer bara king wala nani bâra kan ba sut wal aiklabi pura lui si kli tawi balan ba ra, Sodoma kingka ba bal takan, Ebram wal prawaia bara ai lakula daukaia, Savé ilka bîla kat. Baha ilka bîla ba sika King Ilka Bîla ba.

Blasi Sturka 14:17 ပူးပေါင်းရင်းမြစ်များ

Blasi Sturka 14:1

Baha yua nani ra Amrafel ba Sinar kingka kan, Arioc ba Elasar kingka bara Quedorlaómer lika Elam kingka bara Tidal ba Goím kingka.

Blasi Sturka 14:10

Sidim ilka bîla aiska ra târ layawanhta nani manis upla mita salhkras ba bâra kan, târ laya babatni baha bilara aibanhwi kan, Sodoma bara Gomora kingka wal, swak takaia wisi plapan bara baha layawanhta nani ra kauhan. King wala nani yumhpa ba lika il nani tilara plapi swak takan.

Blasi Sturka 14:5

Bara mani 14 alkan ra, king Quedorlaómer ai suldiarka nani aikuki, king wala nani sin witin wal kan ba ai suldiarka nani aikuki asla aidrubi Astarot Carnaim ra balan, bara bahara aiklabi, refaíta nani ra pura luan. Baha wina Ham ra zuzita nani ra pura luan; ningkara emita nani Savé-quiriataim ra kan nani ba ra pura luan.

2 Samuil 18:18

Absalón kau raya kan piua ra, witin ai lilka kum walpa ni yan daukan king tasbaya langnika ra, baha ra ai nina ulban, witin ba luhpias kan ba mita baha yan daukan. Bara nanara kat ban baku mâkisa ‘‘Absalón lilka’’.

Sins Lâka 14:20

Diara luha uplika ra witin ai uplika bui sin misbara kaikisa, kuna lalahkira ra, upla ailal mita latwan kaikisa.

Sins Lâka 19:4

Wan yuyaka ailal bri ba lika wan uplika nani kau manis pura praki wankisa; kuna diara briras uplika lika ai uplika dakwan ba sut mahka auya.

Hibru Nani 7:1

Naha Melkisedek na, Salem kingka kan bara Gâd Laih Purara iwi ba prîska kan. Ebraham ba war aiklabi king nani iki tiki si kli tawi aula kan ba ra, Melkisedek taki wih witin wal prawi, yamni munan.

Wihta Nani 11:34

Jefté kli ai watla Mispá ra tawi wan ba ra, ai luhpia mairin kumi baman bri kata ba, utla wina liliakira miusik puli bara dans puli bal takan witin ai lakula daukaia. Witin ba ai luhpia wala nani kau âpu kan, ai luhpia mairin ba baman kumi lal kat bri kan.

1 Samuil 18:6

Ban sakuna, Debit bui filisteo ba ikan ningkara suldiar nani ba tawi balan taim, Israel tawanka sut wina mairin nani taki balan, aiwani, dans puli liliakira, drum pruki, pân pruki bara bin sâtka wala dauki, king Saúl aula ba liliakira briaia.