Blasi Sturka 13:18 - DAWAN BÎLA AISKA

¹⁸ Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.

Blasi Sturka 13:18 ပူးပေါင်းရင်းမြစ်များ

Blasi Sturka 13:4

Baha tasbaya ra witin altar kum paskan kan ya ba ra, bahara Ebram Dawan ra ai pura suni mayunan.

Blasi Sturka 14:13

Sakuna waitna kumi baman tila ba wina plapi swak takan. Bara witin balan bara Ebram Hibru waitnika ra sturka ba sut win. Witin amorreo usupum untika ra ai uplika nani Mamré, amorreo ba, Escol muihnika wala Aner nani aikuki bahara iwi kan.

Blasi Sturka 18:1

Mamré usupumka nani tilara, Dawan Ebraham ra param takan, yu wan lal kat lapta pali kan ba piua ra. Witin ai tintka watla durka bilara iwi kan,

Blasi Sturka 22:9

Bara Gâd mita marikaia win yaba tasbaya kat wan ba ra, Ebraham altar kum paskan bara pauta nani ba baha purara kahban. Baha ningkara ai luhpia Aisak ba priskan, bara altar ra pauta ba purara sunan.

Blasi Sturka 23:2

Quiriat-arbá tawanka ra pruan, baha nina wala Hebrón, Kenan tasbaya ra. Ebraham witin pura mata kasak inan, ai sarka tara twilkan.

Blasi Sturka 26:25

Bahara Aisak altar kum paski, Dawan nina bahara mayunan. Bahara ai tintka watla bapan, bara Aisak albika nani bahara liwanhta kum salhkan.

Blasi Sturka 35:27

Jekob ai aisika Aisak kaikaia Mamré ra wan. Baha tawanka nina ba sin Arbá, apia kaka Hebrón mâki kan. Baha tawanka ra Ebraham bara Aisak sin iwi kan.

Blasi Sturka 37:14

Ai aisika Israel pana witin ra win: —Aitani, luhpi, bamna nanara man was, muihkam nani bara daiwan nani ba sin sut laki kaiks, witin nani ba nahki sa sapa, bara man kli bal sturka ba ai wis. Israel bui Josep ba Hebrón ilka bîla wina blikan witin Siquem kat wan.

Blasi Sturka 8:20

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

2 Samuil 2:1

Baha ningkara, Debit bui Dawan ra makabi walan, bara win: —¿Yang Juda tawanka nani kum ra waia sna ki? Dawan bui witin ra pana win: —Âu, man waia sma. Debit kli makabi walan: —¿Ani tawanka ra yang waia sna? Bara Dawan pana win: —Hebrón ra.

Lawana Nani 16:8

Dawan ba yang laima kat brisni; witin ba yang mihti aihkika ra sa, bamna diara kumi sin yang purira yaka kauhbia apia.

Kulki Kaikanka 13:22

Négueb bâk lui wan ba wina, Hebrón kat aidrubi balan, bahara Anac kiamka nani bâra kan: Ahimán Sesai, Talmai. Hebrón tawanka ba pas paskan kan, 7 mani Soan Idsip ra paskan ba kainara.

1 Timoti 2:8

Baku bamna, yang want sna waitna nani ba plis sut ra ai pura suni kabia, bara ai kupia sunu brih ai mihta nani purara buki kabia, lawan âpu bara unsaban sin âpu.

Hibru Nani 11:9

Kasak lukan mita, Ebraham ba Gâd mita witin ra pramis munan tasbaya ba ra wih iwi kan, witin ba upla tringsar kum baku. Witin ba kiamp watla nani ra dimi kan, bara Aisak bara Jekob wal sin baku iwi kan, witinka nani sin baha pramiska brin kan ba.

Jasua 14:13

Bara Jasua bui Caleb ra yamni munan, bara Hebrón yan ai tasbaya kaia, ai taya nani ra sin.

Jasua 15:13

Jasua Caleb Jefuné luhpia, Juda kiamka nani ba tasba tar baiki yaban. Dawan dîa witin ra win ba kat, Hebrón ba yaban, baha lika Anac waitna tarka tara masraka nani tawanka kau tara ba.