Blasi Sturka 12:2 - DAWAN BÎLA AISKA

² Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 12:2 ပူးပေါင်းရင်းမြစ်များ

Blasi Sturka 13:16

Man kiamkam ba tasba puknika ba baku ailal daukamni. Tasba puknika lupia bani upla sip kulki sakras ba baku, man kiamkam sin upla sip kulki sâkbia apia.

Blasi Sturka 15:5

Bara Dawan bui witin ra latak saki brih wan, bara win: —Nanara kasbrika pura ba pain kaiks, bara slilma nani ba kulki kaiks, kulkaia sip sma sapa. Man kiamkam ba slilma ailalka ba baku ailal kabia.

Blasi Sturka 17:20

Ismael dukiara aisaram ba sin yang walri, witin ra sin yamni munamna; ai luhpia nani ailal bara ai kiamka sin tara takaia daukamna. Ismael ba wihta tara nani 12 aisika takbia, bara kiamka ba wina nisan tara daukamni.

Blasi Sturka 18:18

kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna.

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 19:29

Baku, Dawan baha twi langnika tasbaya tawanka tara nani, Lot bahara iwi kan ba sut sauhki tikan. Sakuna witin Ebraham dukiara ai kupia ra luki kan bamna, Lot ba sauhki tikan tawanka ba wina sakan.

Blasi Sturka 24:1

Naha piua kat Ebraham pat almuk pali takan kan, diara sut witin daukan ba Dawan mita sin ai yamnika yaban kan.

Blasi Sturka 24:35

Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban.

Blasi Sturka 25:11

Ebraham pruan ba ningkara, baha liwanhta nina “Witin raya bara ai kaiki ba” baha lama kat Aisak iwan, bara Dawan bui witin ra ai yamnika yan.

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 26:4

Man kiamkam nani ba ailal daukamna, purara slilma nani ailal bâra ba baku, bara naha tasbaya nani sut kiamkam nani ra yabamna. Baha purkara, tasba aiska ra nisan nani sut ba witin nani ra praki yamniki yabamni,

Blasi Sturka 27:29

upla nani man dukiam daukbia; nisan nani sin man mamwanra bawbia, man muihkam nani pura wihtka aimaki kama, bara witin nani man mamwanra bawbia. Saura mai wibia uplika ba ra pana saura win kabia; yamni mai wibia ba uplika nani ra; yamni munan kabia.”,

Blasi Sturka 28:14

Man kiamkam nani ba auhya ailal ba baku ailal kabia. Bara yahbra ra, waupasa ra, lalma ra, muna ra sin kiamkam nani ba bâra kabia. Bara tasba aiska ba man kiamkam ra praki yamnika ailal yabamni.

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Blasi Sturka 46:3

Bamna Gâd bila: —Yang na Gâd, man aisikam Gâdka ba. Man Idsip ra waia si bripara, bahara man kiamkam ba nisan tara daukamni.

2 Samuil 7:9

Man wal wari, ani anira man waram ba, waihlam nani mampara buan ba sut yang bui âpu daukri, ninam mayunra tara maikri, naha tasba uplika tara nani ai mayunra bri ba baku.

1 King Nani 1:47

bara king dukia dadaukra nani king Debit ra lakula wiaia aidrubi bal bara aisi banhwan: “Gâd bui Salaman nina ba kau bukbia, man ninam ba wal. Ai king lâka ba sin kau tara daukbia, man kingkam lâka ba wal.” Bara king ai krikrika pura kat ai lal makupi Dawan ra mayunan;

Job 35:8

Man saurkam ba lika upla ra saura munisma, bara dîa yamnikam nani ba sin upla ra lika yamni nani daukisma.

Lawana Nani 107:38

Dawan sin witin nani ra yamni munisa, bara witin nani manis sahwisa bara ai daiwra nani ailal pâwisa.

Impakan Sturka 1:7

Sakuna Israel luhpia nani ba, luhpa nani ailal brin bamna, sahwi ailal taki bara karnakira sin takan. Tasbaya ba witin nani ni banhwan.

Impakan Sturka 32:10

¡Bara nanara ai takaskpara, aikrika kupi baiwanka witin nani purara bri balamna, bara âpu daukamna! Sakuna man kiamkam ba lika nisan tara daukamna.

Aiseya 51:2

man nani aisikam Ebraham ra kaiks, bara Zérah ra sin, man nani rayaka maikan ba. Yang bui witin ba paiwri yakan bâra kan bamna, bara witin ra yamniki yâri, bara kiamka ailal daukri.

Isikiel 34:26

“Yang sîpki nani, il holikira ba lama kir mangkamna, bara yamni munamna; yamni munan laya blikamna piua bani ra.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Sakaraya 8:13

Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Kulki Kaikanka 14:12

Siknis baku yang blikamna, insauhki prui âpu takaia daukamna, baha tasbaya witin nani briaia sip apia daukamna; bara yang bui man kiamkam wina upla kau ailal, kau karna kaia daukamna.

Kulki Kaikanka 22:12

Bara Gâd Balaam ra win: —Man lika witin nani wal wapara, baha uplika nani ra sin saura wipara, kan yang mita baha uplika nani ra yamni wîri sa.

Kulki Kaikanka 23:20

Yamni wiaia adarka ba yang brisna; Gâd mita yamni munisa kaka, yang mita sip mapara aisaras.

Roman 4:11

Ebraham Aisa sainka ba ningkara brin, kasak lukan ba mita Gâd mita witin ra kasakkira kulkan ba tukinka baku. Naha sim natka ra Ebraham lika Aisa sainka briras kuna kasak luki uplika nani sut aisika takan sa, baku bamna Gâd mita param aisisa witin mita sin baha nani ba kasakkira kulkisa.

Galesha 3:14

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Galesha 3:7

Baha mita man nani kaiki kaia sma, kasak luki uplika nani ba sika, Ebraham kiamka nani.

Kli Smalkanka 26:5

Bara Dawan Gâd lamara mai kaiki ba ra naku param aisama: ‘Damiki nani ba dakni sirpi, Aram uplika nani impapakra kan, Idsip ra diman ai pliska brih iwan, baha ningkara nisan tara kum, karnakira bara ailal sin sahwan.