Blasi Sturka 12:15 - DAWAN BÎLA AISKA

¹⁵ Bara king fero wihtka tara nani sin kaikan mairin ba mairin painkira sa, bara witin nani wih king ra win. Bara mairka ba witin nani king watla ra brih wan.

Blasi Sturka 12:15 ပူးပေါင်းရင်းမြစ်များ

Blasi Sturka 12:14

Ebram Idsip ra wan bara Idsip uplika nani kaikan Sarai mairin pranakira pali kan.

Blasi Sturka 20:2

Bara witin bahara iwi kan ba ra Ebraham ai maya Sara dukiara upla nani ra win Sara ba witin ai lakra. Bamna baku Abimélec Guerar kingka ba, Sara ba ai mairka briaia paiwan.

Blasi Sturka 26:7

Bara bahara tawanka uplika nani ba ai maya ba dukiara makabi wali kan, bara witin pana win: “Witin ba yang laikra”, kan witin sibrin luki kan, ban kra yang mayi wibia kaka, Rebeca tâwan baha waitnika nani mita witin ra ikbia luki kan, kan Rebeca ba mairin painkira kan bamna.

Blasi Sturka 40:2

King fero ba ai kupia baikan baha waitna tara nani ba wâl ra: wain glas ra lalaikra nani pura kakaira ba bara brit âiangkra nani pura kakaira ba mapara.

Blasi Sturka 41:1

Mani wâl luan ba ningkara, king fero yaprisauhkan kum kaikan. Witin Nilo awala un ra bâra kan,

1 King Nani 3:1

Bamna Salaman Idsip kingka, king fero wal ai uplika pali takan. Ban sin king fero luhpia mairin ai maya brin, bara Debit Tawanka ra bri balan, baha piua ra witin ai watla ba paski tnata alki kan, Dawan watla bara Jerusalem tawan tnaya kutbanka ba sin.

2 King Nani 18:21

Yang kaikisna man ba Idsip uplika nani ra tniwisma. Baha pain, Idsip ba kayu taiban yuya baku sa, bahara tniwisma ba, ya bahara tniwi ba ai mihta bâk silak dimi mâ walak lubia. Baha sika king fero Idsip kingka, ya uplika nani witin ra kasak lukbia kaka, baku takbia.

Lawana Nani 105:4

Dawan ba pliks, ai karnika ba sin; piu bani Dawan ba pliks.

Impakan Sturka 2:15

King fero baha sturka walan, Moses mita Idsip waitnika kum ikan ba. Bara witin bui upla blikan wan, Moses ba pliki saki alki ikaia. Sakuna Moses ba plapan, Madián tasbaya ra wih yukuwan. Yu kum witin liwanhta kum purara iwan.

Impakan Sturka 2:5

Tisku baku kan, king fero luhpia mairin ba awala un ra bal iwan aihtabaia. Ai albika mairin nani ba, awala unku wapi tauki kan ba ra, king fero luhpia mairin baskit ba kaikan, klisang nani tilara kan ba. Bara ai albika mairin kum blikan wih brih balan.

Sins Lâka 29:12

Wihta kum upla kuninkira kum bîla aman walbia kaka, ai dukia dadaukra nani sut ba upla watawikira man daukbia.

Sins Lâka 6:29

Ya upla maya wal aiblakwi ba, klala luha kabia apia.

Jirimaya 25:19

Baku sin king fero Idsip kingka ra sin yabri din, wihta tara nani pura kakaira nani ra sin, uplika nani sut ra sin yabri din,

Jirimaya 46:17

“Man nani Idsip kingka, king fero nina ba naku mâks; ‘Bin tara, sakuna sans âpu.’

Isikiel 32:2

“Naha prura lawana na, king fero Idsip kingka ba lawana aiwans: ‘Nisan nani layanka kum baku sma; kabu ra daiwan saura tara baku sma: awalkam ba buhutni daukisma, minam wal laya ba buhutni daukisma bara aubra ba blakisma.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.