Blasi Sturka 10:9 - DAWAN BÎLA AISKA

⁹ Nimrod na Dawan kupia lâka ba mita daiwan âikra, antin waitnika aihwa pali takan. Bara baha wina aisinka kum takan: “Nimrod wal baku, Dawan kupia lâka mita antin tatakra tara kum kan ba.”

Blasi Sturka 10:9 ပူးပေါင်းရင်းမြစ်များ

Blasi Sturka 10:10

Witin ai kingka tasbaya tara nani bukan ba: Babel, Érec, Acad bara Calné. Baha nani sut lika Sinar tasbaya ra sa.

Blasi Sturka 10:8

Bara Cus ba sika Nimrod aisika, witin na pas waitna karnakira tasba ra bal takan.

Blasi Sturka 13:13

Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.

Blasi Sturka 25:27

Tuktan nani ba pâwi waitna takan. Bara Isau lika daiwan âikra, unta dadimra pali takan, utla ra iwi kaia brin daukras kan. Sakuna Jekob lika baku apia, witin sâp kaia baman want, baha mita utla ra baman kaia lihki kan.

Blasi Sturka 27:30

Aisak bui Jekob ra yamnika ba yaban wal baku, witin nan ai aisika mawan wina taki wan ba ra, ai muihnika Isau sin pat bal diman.

Blasi Sturka 6:11

Bara tasba ra upla ba Gâd mawan ra aisawan pali kan; watawi lâka krikaia daukanka sâtka ni banhwan kan.

Blasi Sturka 6:4

Baha yua nani ra, upla tara yakura nani tasba ra bâra kan. Gâd luhpia waitna nani bara upla luhpia mairin nani wal prawan ba ningkara, witin nani ai luhpia baikan ba, baku tara yakura baman takan. Baha nani sika, blasi tasba almukka yua ba wina, waitna karnakira nani bal takata ba, waitna karnakira nani, ai nina tara kulkan ba.

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

Lawana Nani 52:7

“Man nani kaiks baha nani Dawan ra ai yukuwaika plikras nani ba; baha nani ai dukia kukan tara bri ba ra baman ai tâ baikisa, bara watawi lâka ra bawi banhwi ba.”

Aiseya 18:2

baha wina Nilo awala bâk kuntri lengstarka nani blikisa, yauhrus dusa ni duri tara nani paski lî bâk impakisa. Bîla twatwilkra nani, man nani isti was, tawan kum upla yakura taya lipni nani bara ani anira nisan wala nani mita sîa ba karnakira, prautkira nani ba tasbaya ra awala man kir bâra iwisa.

Jirimaya 16:16

“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.

Isikiel 13:18

Witin nani ra wis: ‘Naha Dawan aisisa: ¡Alai kabia man nani mampara, upla watla ra pliki tauki banhwisma ba; kunin munaia mihta wilkaika kwalka nani sipi ba, bara tasba aiska uplika nani baha bangkil ba ai mihta ra mangkisa, bara lal pura bikaika kwala sipi ba bara upla sut ai lal ra mangkisa! ¿Man nani lukisma ki upliki nani rayaka ba, prubia ba baha karnika ba alki briaia brin mai dauki ba natka kat?

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.