Blasi Sturka 10:10 - DAWAN BÎLA AISKA

¹⁰ Witin ai kingka tasbaya tara nani bukan ba: Babel, Érec, Acad bara Calné. Baha nani sut lika Sinar tasbaya ra sa.

Blasi Sturka 10:10 ပူးပေါင်းရင်းမြစ်များ

Blasi Sturka 10:9

Nimrod na Dawan kupia lâka ba mita daiwan âikra, antin waitnika aihwa pali takan. Bara baha wina aisinka kum takan: “Nimrod wal baku, Dawan kupia lâka mita antin tatakra tara kum kan ba.”

Blasi Sturka 11:2

Bara baku ban witin nani lalma tasbaya wina taki impakan, bara Sinar tasbaya kat wan twi langnika tara kum sakan, bara bahara witin nani takaski iwan.

Blasi Sturka 11:9

Baha tasbaya ra upla nani sut iwi kan ba, bîla aisinka nani ba tanis turban Dawan mita bara tasba aiska ra turwi taki wan. Baha tâka ba mita, tawanka nina ba Babel mâkan.

Blasi Sturka 14:1

Baha yua nani ra Amrafel ba Sinar kingka kan, Arioc ba Elasar kingka bara Quedorlaómer lika Elam kingka bara Tidal ba Goím kingka.

Aiseya 10:9

Yang maipara wal kumi sa, Calné tawanka ba wihki Carquemis, Hamat ba Arpad wal baku sa, ba wal bara Sameria ba sin Damaskus wal baku sa.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 39:1

Baha piua ra Merodac-baladán, Baladán luhpia waitna Babilon kingka ba, walan kan Ezequías siknis ba, sakuna pat sin rawan kan ai sikniska wina, bara wauhkataya twatwilkra tila aikuki wauhkataya ulban, bara prisantka blikan.

Jirimaya 50:1

Dawan naha bîla nani Jirimaya ra aisin, Caldea uplika nani ra wibia Babilon ra takaia ba dahra nani:

Jirimaya 50:21

“¡Man nani Merataim uplika nani mapara aiklas bara Pecod uplika nani mapara sin! ¡Nina blîks, iki âpu dauks! ¡Dîa daukaia mai wisna ba kat sut dauks! Yang, Dawan, baku daukaia adar maikisna.”

Isikiel 27:23

Harán, Cané, Eden bara Sabá, Asiria diara âiatkra nani ba, bara Media uplika aiska ba, man wina âiatkra kata;

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.

Emus 6:2

Man nani Calné tawanka bâk kaiki lui was, baha wina tawan tara Hamat bâk sin kaiki lui was; baha wina filisteo nani tawanka tara Gat ba sin wih kaiks. ¿Lukisma man nani ba kau pain sma, baha nani tawanka wal? ¿Man nani tawankam ba kau pain sa ki, baha nani tawanka ba wal?

Miqueas 4:10

Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Sakaraya 5:11

Bara pana naku ai win: “Witin nani Babilon ra mairka ba tempelka kum mâkaisa. Mâki danh takbia ba ra, playa tara kum purara mairka ba suni swibia.”