Blasi Sturka 1:9 - DAWAN BÎLA AISKA

⁹ Bamna Gâd bila: “Kasbrika purara ba munhtara lî nani bâra ba, watla kumi ra asla prawbia, bara tasba lâwan nani bal takbia.” Bara baku takan.

Blasi Sturka 1:9 ပူးပေါင်းရင်းမြစ်များ

Blasi Sturka 1:8

Bara Gâd bui pura ba nina “kasbrika pura” mâkan. Bara naku natka ra yu wâlka ba tnata alkan.

Nihimaya 9:6

Bara Esdras aisin: “Man lika Dawan sma, bara kau wala âpu. Man kasbrika pura ba daukram, bara kasbrika nani kau purkara ba sin, slilma nani ba, tasba ba, baha bilara dîa dîa bâra ba sin man daukram, bara kabu nani ba, kabu bilara dîa dîa bri ba sin man daukram. Baha mita sika, slilma nani ba kasbrika pura wina mamyuni ba.

Job 26:10

kasbrika kabu wal prawi ba kat, ingni tihmia wal prawi lainka sa.

Job 26:7

Gâd mita kasbrika purara ba mangkan sa diara âpu pali tilara, bara tasba ba ban pami swin sa, diara âpu ba purara.

Lawana Nani 104:3

¡Man wamtla playka nani ba, lî purara bapram sa, laih pura pali ba ra! Kasbrika ba man waginkam daukram; man pâsa tnawa purara impaki taukisma.

Lawana Nani 33:7

Witin kabu tihuka laya nani ba, asla dauki auhbi brisa ai pliska kat.

Lawana Nani 95:5

Kabu ba witin ai dukia sa, kan witin paskan bamna; ¡tasba lâwan ba witin ai mihta pali ni paskan sa!

Smasmalkra 1:7

Awala laya nani sut ba, kabu ra auya, sakuna kabu ba sip banhras sa; bara awala laya nani ba kli ai pliska ra tawi auya, kli ai yabalka kata bâk balaia dukiara.

Jirimaya 5:22

Yang Dawan sna ba, naku wisni: ¿Dîa man nani bui yang ra sip si briras sma ki? ¿Dîa man nani maiwanra sip tatatras sma ki? Kabu un kir tawan ba baku sika yang mita kabu piarkika ba mangkri, ripka tara nani karna âpu tilwisa bara bin tara daukisa, sakuna piarkika ba wina luras sa.

Jona 1:9

Jona pana naku win: —Yang lika Hibru, Dawan ra puri sunisna, witin sika Gâd laih kasbrika purara ba, kabu, tasba sin Papaskra ba. Witin ra puri suni mayunisna.

2 Pita 3:5

Witin nani kaikaia want apia sa, kasbrika pura ba lika patitara piua wina ban bâra sa. Gâd aisin bara tasba na lî wina bal takan, bamna tasba na lî ba tâka mita nâra sa.

Param Marikanka 10:6

bara Gâd nina mâki swer taki, witinka ban kaia ra raya iwi ba, bara kasbrika purara, tasba, kabu bara diara nani sut bahara banhwi ba paskan ba, bahara naku wisata: “Kau piua âpu kabia.