Blasi Sturka 1:20 - DAWAN BÎLA AISKA

²⁰ Bara Gâd bila win: “Lî nani ba mita yarka daiwan sâtka bani ba sâkbia, bara tnawira nani sin tasba purara pâsa ra pâli tauki kabia.” Bara baku takan.

Blasi Sturka 1:20 ပူးပေါင်းရင်းမြစ်များ

Blasi Sturka 1:14

Bamna Gâd bila: “Ingni nani bâra kabia kasbrika pura sangnika tara ba ra, bara tasba ra ingni yabia bara kakna ba tihmia wina aihka lakbia, bara sain nani baku kabia yu nani ba kulkaia dukiara, mani nani bara yua tara nani ba sin.” Bara baku takan.

Blasi Sturka 1:19

Bara naku natka ra yu walhwalka ba tnata alkan.

Blasi Sturka 1:21

Bara Gâd bui kabu daiwra tarka tara nani ba paskan, bara lî wina taki daiwra nani bara liura ai rayaka bri nani ba sut, bara tnawira nani sut ba sin. Bara Gâd kaikan baha lika baku yamni kan,

Blasi Sturka 1:22

bara Gâd bui daiwan nani paskata ba ra yamni munan naha bîla nani wal: “Man nani sahwi ailal pali taki, kabu nani ba banhki dauks, bara tnawira nani sin sahwi ailal pali takan kabia tasba purara.”

Blasi Sturka 1:30

Sakuna daiwan wail nani ra, baku sin tnawira nani ra bara daiwan nani tasba purara raswi tauki nani ra lika, inma sangni sâtka nani sut ba ai pata piaia yabisna.” Bara baku takan,

Blasi Sturka 1:7

Aihka dakbi sakaia ba Gâd daukan: lî nani lilapas ra bîla kwawanka takan kan, bara lî nani purara ba mâyara ba wina baiki sakan.

Blasi Sturka 2:19

Bamna Dawan Gâd bui daiwan nani sut bara tnawira nani sin tasba wina paskan, bara upla ra bri balan baha nani ra nina mangkbia dukiara. Bara upla ba mita daiwan tim nani sut ra nina mâkan, baku sin tnawira nani bara daiwan wail nani sut ra, bara baha nina ba wal takaski banhwan. Ban sakuna, upla ba wal baku pana pana ai hilpka dauki kaia ba lika baha nani wina kumi sin sakras kata.

Blasi Sturka 7:21

Bara baku tasba purara ai rayaka bri kan nani ba, tnawira nani, daiwan tim nani, daiwan wail, daiwan ai biara purara kwasi tauki nani ba, bara upla nani sin sut pruan.

Blasi Sturka 8:17

Daiwan nani sut man wal bâra ba: tnawira nani, ai biara purara tasba ra kwasi tauki nani ba, man sâks ark watla wina bara tasba pura bâk witin nani taki wabia; baku sahwi ailal taki tasba pura ba banhki dauki banhbia.”

1 King Nani 4:33

Bamna Salaman dus nani pâwan ba tânka sin bri kan, bara inta wahia tânka sin, Líbano ra yalamka ba bara dusa wahia utla tnaya ra lalami pâwi ba sut. Baku sin witin daiwan nani tânka bri kan: tnawira nani, daiwan kwasi tauki ba, inska nani tânka.

Job 12:9

¿Upla kum bâra sa ki kau tânka briras ba Gâd ai mihta nani ni diara sut paskan ba?

Lawana Nani 148:10

Daiwan tim nani ba, bara daiwan wail nani ba sin. Daiwan tnawira bara kwasi nani ba sin.

Smasmalkra 2:21

Upla nani bâra sa ai warkka ra mangkisa sinska lâka nani, diara tânka nu ba, bara diara lan takan sinska lâka ba, ningkara upla wala kum warkka daukras uplika ra laki yabaia dukiara bribia wisi. ¡Naha sin bahki man sa, bara lâ kasak pali apia sa!

Libait Lâka 11:42

“Daiwan nani sut tasba ra lalalwi tauki ba, baha kumi sin pima apia, ai biara purara raswi ba, mina walhwal bri ba, apia kaka mina kau ailal ba, baha nani tâski kulkan sa.

Libait Lâka 11:43

Man nani tâski takaia apia sma, bahki mai kulkan sin takaia apia sma naha daiwan nani tâka,

Apastil Nani Sturka 17:25

bara sin nit apia sa upla kum bui witin dukiara diara kum daukbia, kan witin bui sika yawan sut ra rayaka ba wankisa, baku sin pâsa bara diara wala nani ba.