Blasi Sturka 1:2 - DAWAN BÎLA AISKA

² Tasba ra diara nani ba ai watlika kat apia, bîla baman kan; kabu tihuka tara ra tihmia tara nani baman baha purara kan, bara Gâd spiritka ba lî nani purara tauki kan.

Blasi Sturka 1:2 ပူးပေါင်းရင်းမြစ်များ

Job 26:14

Naha na lika witin ai warkka nani pîska kum sa, yawan walan ba lika kârma binka baman, ¿ya sip sa tânka briaia ai alwanika karnakira ba?

Job 26:7

Gâd mita kasbrika purara ba mangkan sa diara âpu pali tilara, bara tasba ba ban pami swin sa, diara âpu ba purara.

Job 38:9

Yang mita klaut kumi yâri ai prâka baku, bara mukus ba lika tuktan srukaia kwalka baku.

Job 41:32

Liura mark pihni lipi swisa, upla tâwa yari pihwan ba baku sa.

Lawana Nani 104:30

Man wingka puhbra rayaka blikisma, bara witin nani paskram sa; bara man naha tasba mawanka kli raya daukisma.

Lawana Nani 104:6

Kabu tihuka ba tasba ra bikata sim kwala kum kan baku. Bara lî nani ba unta ra dus pâwi nani ba sut bikata.

Lawana Nani 136:6

Witin sika, tasba lî nani purara ba sins lâka ni paskan, ai latwanka lâka ba ban kaia ra ban sa bamna.

Lawana Nani 148:7

Dawan ra mayuns tasba ba wina, daiwan saura tara nani kabu ra ba, bara kabu tihuka tara nani ra ba sin.

Lawana Nani 33:6

Dawan ai bîla aisin ba mita, kasbrika purara diara bâra ba paskan bara sin ai bîla wingka puhbra ba mita paskan.

Sins Lâka 8:24

Kabu tara nani âpu kan bara yang pat ai paski kan, lî kârma nani, lî ni banhwi ba sut kau âpu kan ba ra.

Aiseya 31:5

Tnawira nani âpi ai watla purara pâli kaiki ba baku, karnika sut bri Dawanka, Jerusalem ba kan kahbi kabia; main kaiki swaki sâkbia, tâwan aimaki pri sâkbia.”

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Jirimaya 4:23

Yang tasba ra tawi kaikri bara upla iwras tasbaya daukan kan; kasbrika ra tawi kaikri bara bahara ingni kum sin kaikras katna.

Nahum 2:10

Ninibi ba sauhkan sa, diara âpu bîla baman sa, ami luan baku sa. Sibrin mita upla nani sut kupia ba untrira baku takan sa, lula nani ba sin tatatwisa, upla sut ba karnika âpu takisa, bara upla sut mawan tâlia sin âpu takisa.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Kli Smalkanka 32:11

Yakal ai watla bilara ai tnawa balhbi, bara ai luhpia ra pâlaia smalki ba, baku Dawan ai tnawa nani ba sakbi man nani ba mai bri pâli wan.