Blasi Sturka 1:11 - DAWAN BÎLA AISKA

¹¹ naku win: “Tasba ba yaka inta wahia sangni nani sâtka sut sâkbia: inma bani ai saumukka sâtka nani sâkbia ba bara dus nani sin ai mâ bri kabia ba.” Bara baku takan.

Blasi Sturka 1:11 ပူးပေါင်းရင်းမြစ်များ

Blasi Sturka 1:12

Tasba ba inta wahia sangni nani sâtka bani ba sakan: inma bani ai saumukka sâtka saki ba bara dus nani ai mâ bri ba sin. Bara Gâd kaikan baha sut ba yamni kan.

Blasi Sturka 1:29

Baha ningkara Gâd bila win: “Bamna nanara kaiks, inta wahia nani sâtka sut, ai saumukka saki nani ba bara dus nani sut ai mâ alki nani ba, yang bui man nani ra maikisna. Baha sut ba man nani patam brima.

Blasi Sturka 2:16

witin ra naha adarka yaban: “Dus nani sut giadin ra bâra ba wina man piaia sip sma,

Blasi Sturka 2:5

tasba ra kau inma nani sin pâwi takras kan, insla namya nani sut sin kau pâwras kata, kan lî ba sin Dawan Gâd mita kau yan tasba purara auhras kan bamna, bara upla sin kau âpu kan tasba ra insla daukaia.

Blasi Sturka 2:9

Bara tasba ba wina yan dus nani pranakira sât sât pâwan, baha mâ nani ba sin kaiki aihni pin wan dauki sâtka ba. Baku sin giadin lilapas kat yan pâwan raya kaia dusa ba, bara diara yamni bara diara saura ba wal tânka kaikaia dusa ba sin.

Job 28:5

Tasba purara sika plawar pâwisa, mununhta tani ra abalki swin sa pauta klauhan baku.

Lawana Nani 1:3

Bara baha uplika ba dus kum baku sa, awala lamara mangkan ba, ai piua kat ai mâ saki ba, ai wahia nani ba sin srawras sa. ¡Bara diara sut witin dauki ba, yamni baman takisa!

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Jirimaya 17:8

Dus kum awala un ra mangkan ba baku kabia, wakia nani ba lî aubi ba ra pâwisa, lapta taki bara witin sibrin daukras, wahia nani ba sisitni sangni sa. Lî auhras ba piua ra sâp sa, piu sut mâ nani ba bâra sa.

Matiu 3:10

Asa ba dus nani klaki batakaia pat ridi sa, bara ani dusa mâ pain sakras ba, klaki pauta ra lulkka ambia.

Matiu 6:30

Bamna inma naiwa twi ra ba bara yauhka pauta ra angki ba, Gâd baku skahkisa kaka, ¿man nani ra kau kwala pain mai dingkbia apia, kasak lukras uplika nani sma ba?

Mark 4:28

Kan tasba ba yakan mâ sakisa; pas dusa sirpi ba takbia, ba wina mâ briaia wahia ba, ningkara mâ ailal takisa,

1 Korint 15:38

Baha ningkara Gâd mita baha mâ ba, witin dîa sât wîna tara want ba kat yan pâwisa; mâ bani ra dîa wîna tara yabaia ba kat yabisa.

Hibru Nani 6:7

Tasba purara lî auhaia bani tasbaya mita laya ba di ba baku, witin nani sin baku sa: tasbaya ba witin purara wark taki nani ba ra, mâ yamni nani saki yabisa kaka, Gâd mita yamnika yabisa.

Jems 3:12

Muihki nani, ¿kwah damni dusa kum sip sa ki batana mâ nani sakaia, bara wain dusa kum sip sa ki kwah damni mâ sakaia? Baku bamna, lî kârma kum sip sâl laya bara lî damni sakras.