Apastil Nani Sturka 9:4 - DAWAN BÎLA AISKA

⁴ Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

Apastil Nani Sturka 9:4 ပူးပေါင်းရင်းမြစ်များ

Blasi Sturka 16:8

bara witin ra makabi walan: —Agar, Sarai albika mairin, ¿man ani wina aulma, bara anira sin auma? Bara witin pana aisi, win: —Dawanki, Sarai mawan wina plapisna.

Blasi Sturka 22:11

Dawan insalka ba kasbrika pura wina witin ra winan: —¡Ebraham! ¡Ebraham! Witin pana win: —Yang nâra sna.

Blasi Sturka 3:9

Bara Dawan Gâd upla ra winan, bara win: —¿Man anira sma?

Impakan Sturka 3:4

Dawan kaikan Moses ba kau ai lamara aula, bara witin kiaya dusa ba tila wina witin ra wini, naku win: —¡Moses! ¡Moses! Bara Moses pana aisin: —Yang nâra sni.

Aiseya 6:8

Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Sakaraya 2:8

Karnika sut alki bri Dawanka ba, baha uplika nani mai alki mai brih wan ba mapara, naha bîla aisaia ai blikan: “Ya ya yang upliki nani ra pruki ba, yang naikra yula ra pruki baku sa. Baha tâwan, yang uplika nani ba mapara aiklabamna, bara ai albika nani ba bui witin nani ra kli tawi alki brih wabia.” Baku dauki ba natka ra, karnika sut alki bri ba Dawanka ai prana tara ba marikbia, baku sin man nani tânka brima, Dawan bui ai blikan ba.

Kulki Kaikanka 16:45

—¡Naha uplika nani tila wina tnaya ra taki banhs, naiwa baha nani âpu daukaisna bamna! Bamna Moses bara Eran wal ai lal bawi ai mawan ba tasba kat prakan.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Luk 10:41

Sakuna Jisas pana win: —Marta, Marta, man diara uya daukaia dukiara baman lukisma, kupiam sin turban pali sa.

Jan 18:6

Jisas mita “Baha ba yang sika” win ba wal, sut ai ninara wih, tasba ra kauhan.

Jan 20:16

Jisas mita win: —¡Meri! Meri Magdalin tawi, Hibru bîla ra win: —¡Rabuni! (baha bîla tânka ba lika “Smasmalkra”).

Jan 21:15

Bamna titan pata pin ba ningkara, Jisas mita Saiman Pita ra makabi walan: —Saiman, Jan luhpia, ¿man ba naha nani purkara yang ra kau latwan ai kaikisma ki? Pita mita pana win: —Âu, Dawan, man kaikisma nahki yang bui man ra latwan sna ba. Jisas bila: —Baku sa kaka, sîpki luhpia nani ba plun dakaks.

Apastil Nani Sturka 5:10

Baha sim piua ra Safira lika Pita mina kat kauhi pruan. Wahma nani lata wina dimi balan ba ra, kaikan pat pruan kan, bara saki bri si ai maya lamara bikan.

Apastil Nani Sturka 9:5

Bara Saulo pana makabi walan: “¿Man ba ya sma ki, Dawan?” Bara bîla baikra ba naku win: “Yang sika Jisas, man bui yang ra sika rau ai sauhkisma ba.

Roman 11:22

Bamna kaiks, nahki Gâd ba painkira pali sa, sakuna lâ sin karna brisa. Witin mita kauhan nani ba wal lâ karna bri kan, sakuna man wal lika uya pain sa. Sakuna man ai latwanka lâka ba nina blikaia sma; baku apia kaka, man sin klaki mai sakan kabia.

1 Korint 12:12

Kan Kraist ba lika wîna tara kum baku sa, bara baha ba wîna sirpika ailal brisa; baha wîna sirpika nani ba ailal sa sakuna, wîna tara kumi daukisa.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Epesus 5:30

kan serts ba witin ai wîna tara sa, bara yawan lika sim baha wîna sirpika nani sa, ai wîna tara bara ai dusa nani wina wan paskan.