Apastil Nani Sturka 9:38 - DAWAN BÎLA AISKA

³⁸ Jope lika Lida tawanka wal baila kan, bara lalukra nani Jope ra iwi kan ba walan, Pita lika Lida ra sa. Bamna waitna wâl saki blikan, naku maisa pakaia: “Pliskam takaskras, Jope ra bal.”

Apastil Nani Sturka 9:38 ပူးပေါင်းရင်းမြစ်များ

2 Kronikas 2:16

Bara yang nani Líbano ra dus nani want sma ba klakamni, bara rap dauki kabu bâk bri balamni Jope kat. Ningkara man bui baha wina Jerusalem kat brih wama.”

Esdras 3:7

Walpa bara dus ni utla mâmakra nani ra lalah yaban, bara plun, wain bara batana laya nani Tiro bara Sidón uplika nani ra yaban, Líbano wina kabuk yalam tatka nani ba Jope kat bri balaia dukiara, Persia kingka Ciro adarka baku daukbia win kan ba kat dauki banhwi kan.

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Apastil Nani Sturka 10:5

Bamna man waitna nani blîks Jope ra, Saiman nina wala Pita wi ba bri balaia.

Apastil Nani Sturka 10:8

Diara nani sut takan ba maisa paki si, baha nani ba Jope ra blikan.

Apastil Nani Sturka 11:13

Witin ba mita yang nani ra ai win, ai watla ra insal kumi ai tnaya ra kan ba mita win: ‘Waitna nani Jope tawanka ra blîks, Saiman nina wala Pita wi ba bri balaia,

Apastil Nani Sturka 11:26

Witin nani bahara serts uplika nani ba wal takaskan mani kum, ban upla nani ra sin smalki kan. Bamna Antíoco ra sika pas lalukra nani nina kristian nani mâkan ba.

Apastil Nani Sturka 11:5

—Yang Jope tawanka ra puri suni kapri ba ra, diara aihka kum kaikri, kasbrika purara ba wina diara kum bal iwuya kan kwala tara kum baku, tâ walhwal ba sut wilkan kan, ban yang bâra kapri pliska kat bal iwan.

Apastil Nani Sturka 9:19

Baha ningkara plun pin, ai karnika sin brin, bara lalukra nani Damaskus ra kata nani ba wal yu kulki takaskan.

Apastil Nani Sturka 9:32

Pita aimaki wan muihni nani ba kaikaia. Witin Lida ra sin wan, lalukra nani bahara iwi kan ba kaikaia.

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Apastil Nani Sturka 9:42

Naha sturka na Jope tawanka aiska ra wali banhwan, upla ailal sin Dawan ra kasak lukan.

Apastil Nani Sturka 9:43

Bara Pita lika yu ailal baha tawanka ra takaskan, daiwan taya lâkaia saika dadingkra kum nina Saiman wi ba watla ra.

Jasua 19:46

Mejarcón bara Racón, Jope mawanra tasba bâra ba wal.