Apastil Nani Sturka 9:36 - DAWAN BÎLA AISKA

³⁶ Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Apastil Nani Sturka 9:36 ပူးပေါင်းရင်းမြစ်များ

2 Kronikas 2:16

Bara yang nani Líbano ra dus nani want sma ba klakamni, bara rap dauki kabu bâk bri balamni Jope kat. Ningkara man bui baha wina Jerusalem kat brih wama.”

Esdras 3:7

Walpa bara dus ni utla mâmakra nani ra lalah yaban, bara plun, wain bara batana laya nani Tiro bara Sidón uplika nani ra yaban, Líbano wina kabuk yalam tatka nani ba Jope kat bri balaia dukiara, Persia kingka Ciro adarka baku daukbia win kan ba kat dauki banhwi kan.

Sins Lâka 5:19

¡Snapuka mairin latwanka aihka painkira ba, man wal lihki ban kama! ¡Piua bani ra ai latwanka ni mai sruki ban kabia!

Yamni Kulki Lawana 2:9

Laitwankira waitna ba, sula wainhka baku sa, sula luhpia sirpi kum baku sa. Kaiks, witin pat bal latara, utla durka nina ra buisa. Windar nani bâk aiaubi taki kaikisa; windar pitbanka bâk biki wan kaikisa.

Yamni Kulki Lawana 3:5

Pramis ai muns, Jerusalem mairka nani, snapuka bara sula mairin nani twi ra ba nina mâki kira, yang laitwankira ba tatukbi bukaia apia, swis witin yapbia, ani piua witin buaia lukbia ba kat.

Yamni Kulki Lawana 8:14

¡Aihni muni yang ra bal, laitwankira waitna, sula baku pâli bas, sula wainhka lupia baku, sîka mâka kîa pain nani bri ba ilka tara nani purara!

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Matiu 25:17

Baku sin, 2,000 brin ba, kau 2,000 pura sakan.

Jan 15:5

“Yang sika wain kiwka ba, bara man nani lika tnawa nani sma. Bara ani uplika yang wal asla ban ba, yang sin witin wal asla sna, bara baku lika witin ai mâ manis sakisa; baku bamna yang âpu kira man nani sip diara daukras.

Jan 15:8

Bamna man nani mâ manis sakuma ba ra, Aisiki ba mayunra brisa, bara baha ba mita marikisma man nani ba kasak disaipilki nani sma.

Apastil Nani Sturka 10:23

Bara Pita mita waitna nani ba yan utla ra diman, tihmia sin aikuki bahara yapi lalawan. Yu wala titan, Pita bara wan muihni nani tila Jope wina sin, witin nani aikuki wan.

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Apastil Nani Sturka 10:8

Diara nani sut takan ba maisa paki si, baha nani ba Jope ra blikan.

Apastil Nani Sturka 11:13

Witin ba mita yang nani ra ai win, ai watla ra insal kumi ai tnaya ra kan ba mita win: ‘Waitna nani Jope tawanka ra blîks, Saiman nina wala Pita wi ba bri balaia,

Apastil Nani Sturka 11:5

—Yang Jope tawanka ra puri suni kapri ba ra, diara aihka kum kaikri, kasbrika purara ba wina diara kum bal iwuya kan kwala tara kum baku, tâ walhwal ba sut wilkan kan, ban yang bâra kapri pliska kat bal iwan.

Apastil Nani Sturka 9:38

Jope lika Lida tawanka wal baila kan, bara lalukra nani Jope ra iwi kan ba walan, Pita lika Lida ra sa. Bamna waitna wâl saki blikan, naku maisa pakaia: “Pliskam takaskras, Jope ra bal.”

Apastil Nani Sturka 9:42

Naha sturka na Jope tawanka aiska ra wali banhwan, upla ailal sin Dawan ra kasak lukan.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

1 Tesalonaika 4:10

Bamna man nani piu bani baku daukisma, wan muihni nani Macedonia aiska ra iwi nani ba sut aikuki. Sakuna muihki nani, yang nani mita mamkabisni baha latwanka lâka brisma ba, kau dauki kama.

1 Timoti 5:10

Witin nani diara yamni nani daukan ba mita, upla nani bui kakaira kaia sa: ai luhpia nani pain pakan kaka, ai watla ra upla nani wan ba aikuki pain kan kaka, kristian nani mina nani sikban kaka, trabil bri nani ra hilp munan sa, apia kaka wark yamni wala nani daukan sa kaka sin.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Taitus 2:7

Man pali mita, diara sut mapa ra tânkam wal witin nani ra lâ mariki bas. Baha nani ra smalkma, kunin âpu, sunu lâka ra bara pulan ra lika apia.

Taitus 3:8

Naha na lika kasak pali sa, bamna yang want sna man ba naha dukia nani na ban ba kat aisi kama, bara baku mika Gâd ra kasak luki nani ba wark yamni nani baman dauki kabia. Naha diara nani na lika pain atia, bara upla nani ra hilp sa.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

Jasua 19:46

Mejarcón bara Racón, Jope mawanra tasba bâra ba wal.