Apastil Nani Sturka 9:29 - DAWAN BÎLA AISKA

²⁹ Witin ai kupia aiska ni Dawan nina bri mâki aisi kan, bara Ju uplika Grik bîla aisi nani ba wal aisi blahwi kan, bamna baha nani mita trai muni kan witin ba ikaia.

Apastil Nani Sturka 9:29 ပူးပေါင်းရင်းမြစ်များ

Apastil Nani Sturka 11:20

Sakuna lalukra nani tila Chipre bara Cirene wina kan ba mita Antíoco tawanka ra wan, bahara Dawan Jisas swaki wan saki sturka ba Ju apia nani ra smalkan.

Apastil Nani Sturka 17:17

Baha mita witin mita Ju nani priaska watla ra Ju nani ra bara Gâd ra luki mayuni uplika nani ra sin aisi kan. Ban pulaia pliska ra sin upla nani wal prawi ba bani ra aisi kan.

Apastil Nani Sturka 18:19

Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan.

Apastil Nani Sturka 19:8

Pal lika kati yumhpa pali Ju nani priaska watla ra impaki wih, ai kupia aiska ni smalki, bara aikuki sin aisi kan. Witin lika upla nani ba kupia lakaia muni kan, Gâd king aimaki lâka ba dukiara.

Apastil Nani Sturka 22:18

Dawan ba kaikri, bara yang ra ai win: ‘Mahka aihni pali trai kaiki Jerusalem na wina taks, kan yang witniski man aisama ba, naha uplika nani walbia apia bamna.’

Apastil Nani Sturka 6:1

Baha yua nani ra, kristian nani ba kau ailal taki kan, bara Grik bîla aisi uplika nani mita Hibru bîla aisi uplika nani mapara brukwi aisi kan. Witin nani aisin, yu bani plun yui ba ra, ai piarkika nani ra aitani main kaikras.

Apastil Nani Sturka 9:27

Ban sakuna, Bernabé bui witin ba apastil nani ra bri si mariki win, nahki yabal ra Dawan wal prawan ba, bara nahki sin Dawan Saulo ra aisin ba, bara Damaskus ra sin witin sibrin âpu kira Jisas nina bri mâki smalkan ba.

Apastil Nani Sturka 9:28

Bamna Saulo Jerusalem ra takaskan, lalukra nani aikuki sin asla tauki kan.

2 Korint 11:26

Yang impakanka ailal briri bara baha piua nani ra trabil manis wal sin prawri, awala nani ra, âimplikra nani wal trabil briri bara kuntrika uplika nani tilara, bara Ju apia nani tilara sin. Baku sin trabil nani wal prawri tawan nani ra, twi ra, kabu ra, bara ban sin muihki kuninkira nani tilara.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.

Judas 1:9

Bamna arkinsal Maikel, Moses wîna tara briaia ba dukiara dibil wal aiklabi blahwi kan ba ra, witin dibil ra swira dauki kira pât ra lakras kan; sakuna naku baman win: “Dawan mita klala maikbia.”