Apastil Nani Sturka 9:26 - DAWAN BÎLA AISKA

²⁶ Saulo Jerusalem ra wan ba ra, trai kaikan lalukra nani wal asla takaia, sakuna sut mita witin ra sibri kan. Witin nani mita pain lukras kan, Saulo ba kasak Dawan ra tawan sapa.

Apastil Nani Sturka 9:26 ပူးပေါင်းရင်းမြစ်များ

Matiu 24:10

Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Apastil Nani Sturka 4:23

Pita Jan wal pri takan ba ningkara, witin nani ai pânika nani ra wih sut win, prîs tara nani bara almuk nani mita dîa witin nani ra win ba.

Apastil Nani Sturka 9:19

Baha ningkara plun pin, ai karnika sin brin, bara lalukra nani Damaskus ra kata nani ba wal yu kulki takaskan.

Apastil Nani Sturka 9:25

Sakuna lalukra nani mita baskit tara kum bilara mangki, tawan walpaya kutbanka bâk alahbi ikan latara, bara baku witin ba swak takan.

Galesha 2:4

Kasak pali, wan muihni kuninkira tila nani yukuwi, yang nani tilira dimi banhwan ba bui lika want kan, Taitus ba Aisa sainka bribia. Naha nani lika biki kakaira nani baku diman, yang nani Jisas Kraist wal asla takri mita pri lâka brisna ba kaikaia, bara kli alba wan daukaia wisi.