Apastil Nani Sturka 9:20 - DAWAN BÎLA AISKA

²⁰ Ningkara Saulo lika mahka prias watla nani ra smalkan. Witin aisin Jisas ba kasak Gâd Luhpia sa.

Apastil Nani Sturka 9:20 ပူးပေါင်းရင်းမြစ်များ

Lawana Nani 2:12

witin lawbiara sîa; man nani yabal ra pruma, kan witin ai kupia baiwanka ba isi pali sa. ¡Yamni pali sa baha nani sut witin ra ai yukuwaika briaia pliki ba!

Lawana Nani 2:7

Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.

Matiu 27:43

Witin lika Gâd ra kasak lukan: ¡bamna Gâd mita witin ra swaki sâkbia nanara, witin baku want sa kaka! ¿Witin wan win apia, witin ba Gâd Luhpia sa?

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Matiu 4:3

Bara dibil balan Jisas traika kaikaia, bamna naku win: —Man ba Gâd Luhpia kaka, naha walpaya nani ra adar yas brit takbia.

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Jan 19:7

Sakuna Ju nani pana win: —Yang nani lâ kum brisna, baha lâka ba kat witin na pruaia sa, kan witin na Gâd Luhpia sa win.

Jan 20:28

Tamas mita pana win: —¡Yang Dawanki bara yang Gâdki!

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Apastil Nani Sturka 13:14

Witin nani Perge wina Antíoco tawanka ra balan, baha ba Pisidia kuntrika wal lamara sa. Bahara witin nani ris yua ra Ju nani priaska watla ra dimi iwan.

Apastil Nani Sturka 13:33

Baha nani kiamka banhwisna bamna, yang nani ra Gâd ai pramiska dîa aisin ba kat daukan, witin Jisas pruan wina bukan ba ra, Pura Sunra Lawana wauhkataya 2 ra ulban ba baku: ‘Man ba yang Luhpi waitna sma; naiwa raya kaia lâka ba maikri sa.’

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 13:5

Witin nani Salamina ra wan ba ra, mahka Gâd sturka yamni ba smalki kan Ju nani Ju nani priaska watla ra. Jan Mark sin witin nani wal wan kata baha warkka ra hilp muni.

Apastil Nani Sturka 14:1

Iconio ra, Pal Bernabé wal Ju nani prias watla ra dimi, ai natka kan ba baku witin nani mahka upla smalkan, bara upla uya kasak lukan, Ju nani bara Ju apia nani sin.

Apastil Nani Sturka 16:13

Ris yua kum ra, yang nani tawan ba wina lata tani ra taki wari, awala un ra. Upla nani ai natka kan, bahara wih ai pura sunaia. Bamna yang nani mahka iwi, mairin nani bahara bal asla takan nani ra Dawan sturka yamni ba smalki banhri.

Apastil Nani Sturka 17:10

Tihmia pat iwan, wan muihni nani mita Pal bara Silas wal Berea ra blikan wan. Witin nani nan Berea ra diman ba ra, Ju nani priaska watla ra wih diman.

Apastil Nani Sturka 17:17

Baha mita witin mita Ju nani priaska watla ra Ju nani ra bara Gâd ra luki mayuni uplika nani ra sin aisi kan. Ban pulaia pliska ra sin upla nani wal prawi ba bani ra aisi kan.

Apastil Nani Sturka 17:2

Pal ai natka kan ba baku, witin Ju nani priaska watla ra wih diman. Wik yumhpa bahara takaskan bara ris yua bani baha uplika nani wal aisi kan.

Apastil Nani Sturka 18:19

Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan.

Apastil Nani Sturka 18:4

Ris yua bani Pal lika Ju nani priaska watla ra wan; bahara witin trai kaiki kan Ju nani bara Grik uplika nani sin kupia alkaia.

Apastil Nani Sturka 19:8

Pal lika kati yumhpa pali Ju nani priaska watla ra impaki wih, ai kupia aiska ni smalki, bara aikuki sin aisi kan. Witin lika upla nani ba kupia lakaia muni kan, Gâd king aimaki lâka ba dukiara.

Apastil Nani Sturka 8:36

Witin nani ban impaki lî bâra kan pliska kum ra balan, bara yunok ba bila: —Lî nahara sa, ¿bara aitani kabia apia ki tahbi ai daukaia?

Apastil Nani Sturka 8:37

[Pilip bila: —Man kupiam aiska ni kasak lukisma kaka, man sip sma. Bara waitnika ba bila: —Yang kasak lukisni, Jisas Kraist ba Gâd Luhpia sa.]

Apastil Nani Sturka 9:22

Sakuna Saulo lika kau karnakira smalki mariki kan, Jisas ba Misaya sa. Ju nani Damaskus ra iwi nani kan ba sut pana sip diara aisaras kan.

Galesha 1:16

ai Luhpia ba aikan kakaira takri, baha mita yang ra ai paiwan swaki sakan lâka smalkanka ba, Ju apia uplika nani ra smalkamna dukiara. Naha diara yang ra takan ba ra, upla kumi wal sin aisaia waras kapri,

Galesha 2:20

Yang lika Kraist wal dus prihni ra pruri; baha mita yang apia sika raya sna ba, sakuna Kraist sika yang ra raya iwisa. Bamna wîni tara mapa ra yang raya sna ba lika, Gâd Luhpia ra kasak lukisna ba mita raya sna, witinka yang ra latwan ai kaiki prura mihta ra ban aimakan ba.

Param Marikanka 2:18

“Tiatira sertska insalka ra sin ulbi wis: ‘Gâd Luhpia ba, witinka ai nakra nani pauta lakni bri ba ai mina nani bras lipni baku bri ba mita wisa: